ارعىماقتار الامانى

جاڭا ماۋسىمنىڭ اشىلۋ راسىمىنە جينالعان سپورتسۇيەر كوپشىلىكتى وبلىس اكىمىنىڭ ءبىرىنشى ورىنباسارى عاۋەز نۇر­مۇحامبەتوۆ پەن قازاقستان رەسپۋبليكاسى ۇلتتىق ات سپورتى تۇرلەرى قاۋىمداستىعىنىڭ اتقارۋشى ديرەكتورى راحات جاقسىباي قۇتتىقتاپ, اتالمىش شارانىڭ باستى ماق­ساتى قوستاناي جىلقىسىن ناسيحاتتاۋ ەكەنىن, بۇگىندە وسى تۇقىمدى كوبەيتۋ جولدارى قاراستىرىلىپ جاتقانىن ايتتى.

ۇيىمداستىرۋشىلاردىڭ سوزىنشە, قوستانايدا 1889 جىلى قازاق قازا­ناتىنىڭ نەگىزىندە جىلقى زاۋىتى اشىلىپ, الپىس جىلعا جالعاسقان ۇزدىكسىز كۇردەلى بۋدانداستىرۋ جۇمىستارى جۇرگىزىلگەن كورىنەدى. ناتيجەسىندە, الىن­عان قوستاناي قازاناتى 1951 جىلى رەسمي تۇردە جەكە تۇ­قىم رەتىندە تىركەلىپتى. ءبىتىمى دالا جىلقىسىنا ءتان شىمىر, سۇيەگى ءىرى, بۇلشىق ەتتەرى جاقسى دامى­عان, اياعى ءسىڭىرلى, بولات تۇياقتى بولىپ كەلە­تىن اسىل تۇقىمدى بۇل تۇلپار­دىڭ سانى 1969 جىلعى ساناق بويىنشا 44 مىڭعا جەتكەنىمەن, قا­زىر مۇلدە ازايىپ كەتكەن.

سوندىقتان بۇل جول­عى بايگەدە قوستاناي قازا­ناتىنا ايرىقشا ءمان بەرىلىپ, تەك وسى تۇقىمعا ارنالعان 1 000, 1 800 مەترلىك ۇشقىر جارىس, 5 شاقىرىمدىق قۇنان بايگە جانە 18 شاقىرىمدىق الامان ۇيىمداستىرىلدى. مۇنىڭ سىرتىندا, ارالاس تۇقىمدى سايگ ۇلىكتەردىڭ 4 شاقىرىمدىق قۇنان جارىسى مەن 16 شاقىرىمدىق الامان بايگەسى ءوتتى.

ارالاس تۇقىمدى جانە تازا قوستاناي قازاناتتارى اراسىندا وتكەن الامانداردا اقمولا وبلىسىنىڭ سايگ ۇلىكتەرى توپ جاردى. ارالاس تۇقىمدى جۋان اتتاردىڭ 16 شاقىرىمدىق بايگەسىندە شاشاسىنا شاڭ جۇقتىرماعان تويدۋمان اتتى ءدۇلدۇل ءبىرىنشى ورىن الدى. ال قوستاناي تۇقىمدى جۋان اتتار اراسىندا وتكەن 18 شاقىرىمدىق بايگەدە اقمولا وبلىسىنان كەلگەن اتبەگى ادىلەت تاسماعامبەتوۆتىڭ زانزيبارا اتتى تۇلپارى مارە سىزىعىن ءبىرىنشى بولىپ كەسىپ ءوتىپ, الاماننىڭ باس جۇلدەسى جەڭىل اۆتوكولىككە قوسا, 900 مىڭ تەڭگەنى ولجا ەتتى.

قازاقتىڭ ۇلتتىق ونەرى اۋدا­رىسپاقتا رۇس­تەم جۇگى­نىسوۆكە ەشكىم شاق كەلمەدى. ال كوكپار تار­­تىسىندا توبىل قالا­سىنىڭ ويىنشىلارى جە­ڭىسكە جەتتى. شارانى ۇيىم­داستىرۋشىلاردىڭ اي­تۋىنشا, بيىل وڭىردە قوس­­تاناي تۇقىمدى ار­عىماق­تار مەن قوستاناي بۋدان­دارىنا عانا ارنال­عان 22 بايگە وتكىزۋ جوس­پارلانىپ وتىر.

قوستاناي وبلىسى