اكىمشىلىك راسىمدىك-پروتسەسسۋالدىق كودەكس ەنگىزىلگەن ساتتەن باستاپ كەيىنگى ەكى جىلدا مەملەكەتتىك ورگانداردىڭ ءىس-ارەكەتتەرىنە بايلانىستى بيزنەستىڭ تالاپ-ارىزدارىنىڭ قاناعاتتاندىرىلۋى ايتارلىقتاي ۇلعايدى. قارالعان 3 مىڭعا جۋىق ءىستىڭ 50%-دان استامى بيزنەستىڭ پايداسىنا شەشىلدى.
«اتامەكەن» جاڭا قازاقستانداعى ينۆەستيتسيالىق احۋالدى جاقسارتۋ ماقساتىندا بيزنەستى قورعاۋ ءۇشىن ەكوجۇيە قۇرۋدى ۇسىندى. سونداي-اق ەكونوميكالىق قىلمىستار بويىنشا م ۇلىككە تىيىم سالۋ مەن زاتتاي ايعاقتاردى الىپ قويۋدىڭ ەرەكشە ءتارتىبىن قاراستىرۋ كەرەكتىگىن ايتتىق. بۇعان قوسا بيزنەس سۋبەكتىلەرىن زاڭسىز قىلمىستىق جاۋاپقا تارتۋدىڭ ناتيجەسىندە كەلتىرىلگەن شىعىنداردى وتەۋدىڭ بىرىڭعاي تەتىگىن ازىرلەۋدى, ونىڭ ىشىندە ىسكەرلىك بەدەلدىڭ تومەندەگەنى مەن جىبەرىلگەن تابىستىڭ ورنىن تولتىرۋ, سول سەكىلدى بيزنەسكە نۇقسان كەلتىرگەن لاۋازىمدى تۇلعالاردىڭ قىلمىستىق-تارتىپتىك, م ۇلىكتىك جاۋاپكەرشىلىگىن كۇشەيتۋ ۇسىنىلدى.
بىلتىر «اتامەكەنگە» بيزنەستى قورعاۋعا بايلانىستى 4 مىڭنان ارتىق ءوتىنىش ءتۇسىپ, ونىڭ 40%-ى وڭ شەشىمىن تاپتى. قۇقىقتىق ستاتيستيكا دەرەكتەرىنە سۇيەنسەك, مەملەكەتتىك ورگاندارعا بيزنەس وكىلدەرى تاراپىنان ءدال وسى كولەمگە تاياۋ وتىنىشتەر كەلىپ تۇسەدى. ونىڭ دەنى لاۋازىمدى تۇلعالاردىڭ ارەكەتتەرىنە بايلانىستى.
ازاماتتىق سوتتاردا جىل سايىن مەملەكەتتىك ورگانداردىڭ ءىس-ارەكەتتەرىنە قاتىستى 9 مىڭعا جۋىق داۋلى ارىز قارالادى. ۇلتتىق پالاتاعا تۇسەتىن وتىنىشتەر كورسەتكەندەي, كوبىنەسە جەر قاتىناستارى, ساتىپ الۋ, سالىق, قۇرىلىس سالالارىنا بايلانىستى شاعىم كوپ.
نۇرلان ساكۋوۆ,
«اتامەكەن» ۇكپ باسقارما توراعاسىنىڭ ورىنباسارى