جارناما قالقانىنىڭ باعانىنا سوعىلىپ, 20 جاستاعى جولاۋشىسى قايتىس بولعان «Toyota» اۆتوكولىگىنىڭ جۇرگىزۋشىسى دە وتە اۋىر حالدە. ول قازىر جانساقتاۋ بولىمىندە جاتىر, دەپ حابارلايدى Egemen.kz.
«1993 جىلعى جۇرگىزۋشى جابىق باس-مي جاراقاتىن العان. ميى شايقالعان. بۇعاناسى مەن جامباسى سىنعان. جاعدايى وتە اۋىر. ول وبلىستىق اۋرۋحانانىڭ جانساقتاۋ بولىمىندە جاتىر», دەپ حابارلادى ۆەدومستۆودان.
بقو دەنساۋلىق ساقتاۋ باسقارماسىنىڭ ءباسپاسوز حاتشىسى ايناگۇل ساقپوسىنوۆانىڭ ايتۋىنشا, جول اپاتىنان قاتتى جاراقاتتانعان 20 جاستاعى قىز وتە اۋىر جاعدايدا اۋرۋحاناعا تۇسكەن ەدى. بىردەن وبلىستىق اۋرۋحانانىڭ جانساقتاۋ بولىمىنە جاتقىزىلعان. بىراق, ونىڭ ءومىرىن امان الىپ قالۋ مۇمكىن بولمادى. بۇگىن تاڭدا كوز جۇمدى.
ايانا توعانبەك