قىرعىزستاننىڭ كادامجاي اۋدانىندا, قىرعىز-وزبەك شەكاراسىنداعى «چەچمە» وتكىزۋ بەكەتىندە ەكسكاۆاتور تيەلگەن ترال 11 كولىكتى سوعىپ, ادامداردى قاعىپ كەتتى, سالدارىنان سەگىز ادام كوز جۇمدى, جەتى ادام زارداپ شەكتى, دەپ حابارايدى Egemen.kz.
ۇرەيلى اپات سەنبى كۇنى تۇستەن كەيىن بولعان. جۇك كولىگىنىڭ تەجەگىشتەرى ىستەن شىققانى حابارلانىپ وتىر. جۇك كولىگى ساعاتىنا 70-80 شاقىرىم جىلدامدىقپەن ءجۇردى. جۇرگىزۋشى قىرعىزستاننان وزبەكستانعا بەت العان ەدى.
قازا بولعانداردىڭ اراسىندا قىرعىزستان تجم-ءنىڭ ەكى قىزمەتكەرى بار. وقيعا ورنىندا قىرعىزستان مەن وزبەكستان تجم قىزمەتكەرلەرى جۇمىس ىستەپ جاتىر. قۇقىق قورعاۋ ورگاندارى ءتيىستى تەكسەرۋ امالدارىن جۇرگىزۋدە.
ايانا توعانبەك