شىعىس قازاقستان وبلىسىندا وسى جىلى 7510 تۇلەك ۇبت تاپسىرادى, دەپ حابارلايدى Egemen.kz.
شقو ءبىلىم باسقارماسىنىڭ مالىمەتىنە سۇيەنسەك, 2022 جىلى 8859 وقۋشى مەكتەپ بىتىرەدى. ونىڭ ىشىندە 7510 تۇلەك, ياعني 84 پايىزى ۇلتتىق بىرىڭعاي تەستىلەۋگە قاتىسپاق.
«بالالار تەستىلەۋگە قاتىسۋ ءۇشىن تەستcenter.kz سايتىندا ءوتىنىم بەردى. وبلىستا وسكەمەن, سەمەي قالالارىندا جانە كاتونقاراعاي اۋدانى ۇلكەن نارىن اۋىلىندا ۇبت وتكىزىلەتىن ءۇش پۋنكت بار. تەستىلەۋ 16 مامىردا باستالىپ, 5 شىلدەگە دەيىن جالعاسادى», دەيدى باسقارما باسشىسى سايرانگۇل ءجۇمادىلوۆا.
تۇلەكتەر ءۇش مىندەتتى جانە ەكى بەيىندى ءپان بويىنشا سۇراقتارعا جاۋاپ بەرەدى. جالپى تەستىلەۋدە 120 تاپسىرما بولادى. تۇلەك ەڭ كوبى 140 بالل جيناي الادى.
«بيىل مەملەكەتتىك گرانتقا ۇمىتكەرلەرگە ۇبت-نى ەكى رەت تاپسىرۋعا مۇمكىندىك بەرىلىپ وتىر. ال وقۋعا تۇسكەن كەزدە ەڭ جوعارى بالل جيناعان سەرتيفيكاتتى كورسەتەدى. بيىل وبلىستىق بيۋدجەتتەن 450 گرانت ءبولىنىپ وتىر. ونىڭ 60 پايىزى تەحنيكالىق ماماندىقتاعا بولسا, قالعانى مەديتسينا, ءبىلىم, ۆەتەريناريا سىندى سالالارعا», دەدى سايرانگۇل ءجۇمادىلوۆا.
ايانا توعانبەك