تۇركىستان وبلىسىنداعى «جىبەك جولى» شەكاراسىندا ەسىرتكى زاتىنا ۇقساس داندەر الىپ وتپەك بولعان شەتەلدىك ازامات ۇستالدى. بۇل تۋرالى تۇركىستان وبلىستىق پوليتسيا دەپارتامەنتىنىڭ ءباسپاسوز قىزمەتى ءمالىم ەتتى, دەپ حابارلايدى Egemen.kz.
«كۇدىكتى قىزمەتتىك ءيتتىڭ بەلگىسىنەن كەيىن توقتاتىلىپ, ەر ادامنان ەسىرتكى زاتىنا ۇقساس داندەر تابىلدى. اتالعان دەرەكتى ءتارتىپ ساقشىلارى قر قك 286-بابى 1-بولىگى بويىنشا تىركەۋگە الدى. پوليتسەيلەر كۇدىكتىنىڭ قالتاسىنان الىنعان زاتقا سوت ساراپتاماسىن تاعايىنداپ, ناتيجەسىندە ونىڭ سورا وسىمدىگىنىڭ ۇرىعى ەكەندىگى انىقتالدى», دەلىنگەن پد مالىمدەمەسىندە.
بەلگىلى بولعانىنداي, كۇدىكتى - وزبەكستاننان قازاقستانعا وتپەك بولعان وزگە ەلدىڭ ازاماتى. ول سورا وسىمدىگىنىڭ ۇرىعىن بودەنە قۇسىنا جەم رەتىندە الىپ كەلە جاتقانىن ايتقان.
سوتقا دەيىنگى تەرگەۋ امالدارى ءجۇرىپ جاتىر.