الماتىدا «اتاكەنت» ماڭىندا ءورت شىقتى. كۋاگەرلەر وقيعا ۆيدەوسىن تاراتىپ جاتىر, دەپ حابارلايدى Egemen.kz.
الماتى تجد ءباسپاسوز قىزمەتى وكىلدەرى ۆەدومستۆو كۇشتەرى مەن تەحنيكاسى بوستاندىق اۋدانى, تيميريازەۆ 42 مەكەنجايىنداعى ورتكە جوعارى دارەجەدەگى شاقىرتۋ بويىنشا جىبەرىلگەنىن حابارلادى.
«العاشقى ءورت سوندىرۋشىلەر № 9 پاۆيلون جانىپ جاتقانىن انىقتادى. جالىننىڭ تارالۋ قاۋپى جوق», دەدى ءباسپاسوز قىزمەتىندەگىلەر.
سوڭعى مالىمەتتەرگە قاراعاندا, وقيعا ورنىندا جەدەل شتاب جۇمىس ىستەپ جاتىر. ءورت ءسوندىرۋدىڭ ەكى ۋچاسكەسى قۇرىلدى, ءورت وقپاندارى ىسكە قوسىلدى, اۆتوتسيستەرنالار باتىس جانە شىعىس جاعىنان گيدرانتتارعا ورناتىلدى.
الدىن الا اقپارات بويىنشا پاۆيلون بوس تۇر. قازا بولعاندار مەن زارداپ شەككەندەر جوق. وقيعا ورنىندا 17 بىرلىك تەحنيكا, 50 ادام جۇمىس ىستەپ جاتىر.