تۇركيانىڭ باتىسىنداعى يزمير پروۆينتسياسىنىڭ ۋرلا ايماعىنىڭ جاعالاۋىندا 85 زاڭسىز ميگرانت مىنگەن كەمە توقتاتىلدى. بۇل تۋرالى 17 مامىردا تۇركيانىڭ جاعالاۋ كۇزەتى مالىمدەدى, دەپ حابارلايدى Egemen.kz.
ۋرلا وبلىسىنىڭ جاعالاۋىندا ۇستالعان ميگرانتتار يتالياعا جەلكەندى قايىقپەن بارماق بولعان.
سونىمەن قاتار ەگەي تەڭىزى ارقىلى ادامداردى زاڭسىز تاسىمالداۋدى ۇيىمداستىردى دەگەن كۇدىكپەن ءۇش ادام ۇستالدى. زاڭسىز ميگراتسيانىڭ الدىن الۋ شارالارى اياسىندا 2021 جىلى تۇركيا جاعالاۋلارىندا بارلىعى 23 676 ميگرانت پەن بوسقىن ۇستالدى, ال 2022 جىلدىڭ 1 قاڭتارىنان باستاپ 12 846 ميگرانت ۇستالعان.