بۇگىن ۇكىمەت وتىرىسىندا قر اۋىل شارۋاشىلىعى ءمينيسترى ەربول قاراشوكەەۆ مال شارۋاشىلىعىن بىلىكتى ماماندارمەن قامتاماسىز ەتۋگە نازار اۋدارۋ قاجەت ەكەنىن ايتتى, دەپ حابارلايدى Egemen.kz.
«مال شارۋاشىلىعىن بىلىكتى ماماندارمەن, ەڭ الدىمەن ۆەتەرينارلارمەن جانە زووتەحنيكتەرمەن كادرلىق قامتاماسىز ەتۋگە نازار اۋدارۋ قاجەت. بۇل جەردە اڭگىمە جوعارى ءبىلىمى بار ماماندار تۋرالى عانا ەمەس, جەرگىلىكتى بيۋدجەتتەن قارجىلاندىرىلاتىن كوللەدجدەر دايارلايتىن ورتا بۋىن ماماندارى تۋرالى دا بولىپ وتىر», دەدى مينيستر.
وسى رەتتە ەربول قاراشوكەەۆ «ديپلوممەن اۋىلعا» باعدارلاماسىن كۇشەيتۋ جانە كەڭەيتۋ ارقىلى اۋىلدىق جەرلەردە كادرلاردى بەكىتۋ ماسەلەسىن شەشۋ, ونىڭ نورمالارىن ورتا بۋىن ماماندارىنا دا تاراتۋ مىندەتى تۇرعانىن باسا ايتتى.
«ۆەتەريناريا جۇيەسىن رەفورمالاۋ ەسەبىنەن مال شارۋاشىلىعىنا ۆەتەرينارلىق قىزمەت كورسەتۋ ساپاسىن دا ارتتىرۋ كەرەك», دەدى ول.
ايانا توعانبەك