قىزىلوردادا 16 ادامدى الداپ كەتكەن الاياقتار ۇستالدى. ولار تۇرعىنداردى مۇناي كومپانياسىنا جۇمىسقا ورنالاستىرۋعا ۋادە بەرگەن, دەپ حابارلايدى Egemen.kz.
الاياقتار تۇرعىنداردى تەڭىز مۇناي كومپانياسىنا جۇمىسقا ورنالاستىرامىز دەپ ۋادە بەرگەن.
«بايقوڭىر پوليتسياسىنا 16 تۇرعىن الاياقتىڭ قۇربانى بولعانى تۋرالى ارىزدانعان. وسى جىلدىڭ ناۋرىز-ءساۋىر ايلارىندا ەكى ازامات الەۋمەتتىك جەلى ارقىلى ارنايى توپ اشقان. وندا اقشالاي سىياقى ارقىلى اتىراۋ وبلىسىنداعى تەڭىز مۇناي كومپانياسىنا جۇمىسقا ورنالاستىراتىنىن ايتقان. سول ارقىلى ءار ادامنان 150-200 مىڭ تەڭگە ارالىعىندا بانكتەگى ەسەپشوتىنا اقشا اۋدارتقان. جابىرلەنۋشىلەرگە كەلگەن شىعىن ءۇش ملن تەڭگەگە جۋىقتاعان», دەلىنگەن قىزىلوردا وبلىستىق پوليتسيا دەپارتامەنتىنىڭ حابارلاماسىندا.
ۆەدومستۆونىڭ مالىمەتىنشە, جەدەل-ىزدەستىرۋ شارالارى بارىسىندا ەكى كۇدىكتى ايەل ۇستالدى. ولاردىڭ ەكەۋى دە قىزىلوردا وبلىسىندا دۇنيەگە كەلگەن.
اتالعان دەرەك بويىنشا قر قىلمىستىق كودەكسىنىڭ 190-بابىنىڭ 3-بولىگى 4-تارماعىمەن (الاياقتىق) سوتقا دەيىنگى تەرگەپ-تەكسەرۋ ارەكەتتەرى جۇرگىزىلۋدە.