قازاقستاندا جىل سايىن ءداستۇرلى تۇردە وتكىزىلەتىن «مەرەيلى وتباسى» ۇلتتىق كونكۋرسىنا قاتىسۋ ءۇشىن وتىنىمدەر قابىلداۋ باستادى, دەپ حابارلايدى Egemen.kz.
اتالعان كونكۋرس قر پرەزيدەنتىنىڭ 2013 جىلعى 6 جەلتوقسانداعى №250 وكىمىنە سايكەس ەلىمىزدە جىل سايىن وتكىزىلەدى.
ماقساتى - وتباسى ينستيتۋتىن, ادامگەرشىلىكتى, رۋحانياتتى نىعايتۋ, جاۋاپتى ەرلى-زايىپتىلىقتىڭ ماڭىزىن تانۋ, اتا-انالاردىڭ بالا تاربيەلەۋدەگى جاۋاپكەرشىلىگىن ارتتىرۋ, وتباسىلىق قۇندىلىقتاردى دارىپتەۋ جانە كەڭىنەن ناسيحاتتاۋ.
كونكۋرس ەكى كەزەڭدە وتەدى: ءبىرىنشى – اۋداندىق, قالالىق كەزەڭ, ەكىنشى – وبلىستىق كەزەڭ.
كونكۋرسقا قاتىسۋ ءۇشىن وتىنىمدەردى قاجەتتى قۇجاتتارمەن قوسا, ارنايى نىسان بويىنشا اۋداندىق, قالالىق كوميسسيالارعا 2022 جىلعى 15 ماۋسىمعا دەيىن تاپسىرۋ قاجەت.
كونكۋرستى قر پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ قولداۋىمەن قر اقپارات جانە قوعامدىق دامۋ مينيسترلىگى, جەرگىلىكتى اتقارۋشى ورگاندار ۇيىمداستىرۋدا.