قىزىلوردادا قاڭتار وقيعاسى كەزىندە پوليتسيا عيماراتىنا قارۋلى شابۋىل جاساعان ءۇش ازامات ۇستالدى, دەپ حابارلايدى Egemen.kz Polisia.kz سايتىنا سىلتەمە جاساپ.
جەدەل ءىس-شارالار جۇرگىزۋ بارىسىندا پوليتسيا پروكۋراتۋرا ورگاندارىمەن 5 قاڭتار كۇنى ادامدار توبى بولىپ جەرگىلىكتى پوليتسيا قىزمەتى باسقارماسىنىڭ عيماراتىنا اتىس قارۋىن قولدانىپ, قارۋلى شابۋىل جاساعان قىزىلوردا قالاسىنىڭ ءۇش تۇرعىنىن ۇستادى.
ولار قاماققا الىندى. ۇستالعانداردان قارۋ تاركىلەندى. بۇل دەرەك بويىنشا سوتقا دەيىنگى تەرگەپ-تەكسەرۋ ارەكەتتەرى جالعاسىپ جاتىر.