شەتەلدىك انالوگتەن ءۇش ەسە ارزان سۇيەكتى الماستىراتىن ماتەريال – وتاندىق عىلىمنىڭ جاڭا جەتىستىگى. ءيا, جاقىندا قازاقستاندىق عالىمدار سۇيەكتەردى قالپىنا كەلتىرۋگە ارنالعان قولجەتىمدى بيوماتەريال-گيدروكسياپاتيت ازىرلەدى. ەلىمىزدەگى كومپانيالار تاۋاردىڭ العاشقى پارتياسىن ساتىپ الىپ ۇلگەردى.
ءبىلىم جانە عىلىم مينيسترلىگىنە قاراستى جانۋ پروبلەمالارى ينستيتۋتىنىڭ زەرتتەۋشىلەر جاساپ شىعارعان سۇيەكتى الماستىراتىن ماتەريال شەتەلدىك انالوگتەردەن ءۇش ەسە ارزان تۇرادى. اتالعان ينستيتۋتتىڭ عالىمى زۇلقايىر مانسۇروۆ ماتەريالدىڭ 1 گرامى 10 مىڭ تەڭگە تۇراتىنىن ايتادى.
«بيولوگيالىق شيكىزاتتان گيدروكسياپاتيت تەرميالىق وڭدەۋ, كۇيدىرۋ, ارنايى حيميالىق رەاكتسيالار جۇرگىزۋ جانە پوستتەرميالىق كۇيدىرۋ ارقىلى الىنادى. ءبىزدىڭ موديفيكاتسيا بارلىق ءادىستى الۋدى جاقسارتۋ ارقىلى ۋاقىتتى ۇلعايتۋ ەسەبىنەن جانە جوعارى تەمپەراتۋرا رەجىمىن تاڭداۋ جانە ت.ب. ەسەبىنەن جۇزەگە اسىرىلادى. ناتيجەسىندە, ءبىز جاقسارتىلعان كريستالدىق قۇرىلىمى جانە ءونىمنىڭ تازالىعى جوعارى (95%) ساپالى ماتەريال الدىق. شەتەلدىك كومپانيالار وسىنداي جوعارى ساپالى ءياو-ءنىڭ (يكەمدى اۆتوماتتاندىرىلعان ءوندىرىس) 1 گرامىن شامامەن 32 مىڭ تەڭگەگە ساتادى. ال ءبىزدىڭ ماتەريالدىڭ باعاسى 1 گرامى ءۇشىن 10 مىڭ تەڭگە», دەيدى حيميا عىلىمدارىنىڭ دوكتورى, پروفەسسور ز.مانسۇروۆ.
عالىم ز.مانسۇروۆ قازىر مەديتسينا عىلىمدارىنىڭ دوكتورى, ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى, «الماگەست» وقۋ-كلينيكالىق ستوماتولوگيا ورتالىعىنىڭ ديرەكتورى ماقسۇت تەمىرباەۆپەن بىرلەسىپ الىنعان مينەرالدى ءىس جۇزىندە قولدانۋ جۇمىستارىن جالعاستىرىپ جاتىر. وتاندىق گيدروكسياپاتيت سۇيەك اقاۋلارىن قالپىنا كەلتىرۋدە, سۇيەك زاقىمدالعان جارالاردا, سىنىقتاردا, پلاستيكالىق حيرۋرگيادا, ياعني بەت سۇيەكتەرىنىڭ پلاستيكالىق حيرۋرگياسىندا جانە تىستەردى يمپلانتاتسيالاۋدا قولدانىلادى.
«گيدروكسياپاتيتپەن قاپتالعان يمپلانتاتتار كەرى رەاكتسيا تۋدىرمايدى جانە ساۋ سۇيەك تىنىمەن بەلسەندى تۇردە بايلانىسىپ, رەگەنەراتسيا مەن وڭالتۋ پروتسەسىن جەدەلدەتۋ قابىلەتىنە يە ەكەنىن اتاپ وتكەن ءجون. ءبىزدىڭ وتاندىق جوعارى ساپالى گيدروكسيوپاتيت يمپورتتىق ماتەريالداردى وڭاي الماستىرا الادى», دەپ ءتۇسىندىردى ز.مانسۇروۆ.
جۇرگىزىلگەن زەرتتەۋلەردىڭ ناتيجەلەرى بويىنشا ءبىلىم جانە عىلىم سالاسىندا ساپانى قامتاماسىز ەتۋ كوميتەتى جانە SCOPUS يندەكستەلگەن دەرەكتەر قورىندا عىلىمي جۇمىستار جاريالاندى. بۇل زەرتتەۋ جۇمىسىنىڭ سەنىمدىلىگى مەن وزەكتىلىگىن كورسەتەدى. ايتا كەتەيىك, عىلىمي جۇمىس ءبىلىم جانە عىلىم مينيسترلىگىنىڭ گرانتتىق قارجىلاندىرۋى اياسىندا جۇزەگە اسىرىلدى.