الماتى قالاسىنىڭ توتەنشە جاعدايلار دەپارتامەنتى قولايسىز اۋا رايىنا بايلانىستى ەسكەرتۋ جاريالادى, دەپ حابارلايدى Egemen.kz.
الماتىدا داۋىلدى ەسكەرتۋ جاريالاندى. نوسەر جاڭبىر جاۋىپ, نايزاعاي ويناپ, قاتتى جەل تۇرادى دەپ كۇتىلەدى.
قالالىق تجد 15 مامىردا بۇرشاق جاۋاتىنىن ەسكەرتتى. باتىستان سوققان جەلدىڭ ەكپىنى سەكۋندىنا 15-20 مەترگە جەتەدى.
الماتى قالاسىنىڭ تۇرعىندارى مەن قوناقتارىنان قولايسىز اۋا رايى كەزىندە عيماراتتار مەن ورىن-جايلاردا بولۋ سۇرالادى. سونداي-اق كولىكتەرىن, مەيىلىنشە اعاشتاردىڭ استىنا قالدىرماۋ ەسكەرتىلدى.
تۋريستەرگە تاۋعا ساياحاتتاۋ جوسپارىن كەيىنگە قالدىرۋ سۇرالادى, تاۋلى ايماقتاردا دا اۋا رايى مىنەز تانىتىپ, قولايسىزدىقتار تۋىندايدى دەپ كۇتىلەدى.