پارلامەنت سەناتىنىڭ توراعاسى قاسىم-جومارت توقاەۆ ۇلىبريتانيا سىرتقى ىستەر ءمينيسترىنىڭ ءبىرىنشى ورىنباسارى, سەنىم جانە ءدىني قاۋىمداستىقتار ىستەرى جونىندەگى مينيستر, پارلامەنتتىڭ لوردتار پالاتاسىنىڭ مۇشەسى بارونەسسا سايدا ءۆارسيدى قابىلدادى.
جۇزدەسۋشىلەر ورتالىق ازيانىڭ قازىرگى كەزدەگى دامۋى, پرەزيدەنتتىك سايلاۋ تۇرعىسىنداعى اۋعانستانداعى جاعداي, ۋكرايناداعى احۋال ءجانە يراندىق يادرولىق باعدارلاما بويىنشا كەلىسسوزدەر تۋرالى پىكىر الماستى.
سەنات توراعاسى ۇنقاتىسۋدى قالىپتاستىرۋ جانە شيەلەنىستەردى رەتتەۋدەگى بۇۇ جانە ەقىۇ سەكىلدى حالىقارالىق ينستيتۋتتاردىڭ اسا ماڭىزدى ءرولىن اتاپ ءوتتى. ول حالىقارالىق پارلامەنتتىك قوعامداستىقتى وتە قاۋىپتى قاقتىعىستار كەزەڭىنە تاپ بولعان ۋكراين شيەلەنىسىن رەتتەۋگە ىقپال ەتۋگە شاقىردى.
كەزدەسۋ بارىسىندا قازاقستان مەن ۇلىبريتانيا پارلامەنتشىلەرىنىڭ ساپار الماسۋلارىن بەلسەندىلەندىرۋ تۋرالى ۋاعدالاستىققا قول جەتتى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.