الماتىدا جوعالىپ كەتكەن 10 جاستاعى گەننادي راگۋتكو تابىلدى, دەپ حابارلايدى Egemen.kz.
قالالىق پوليتسيا تاراتقان اقپاراتقا سايكەس, بالا ءدىن امان.
«بالا امان-ەسەن تابىلدى. بەلگىلى بولعانداي, ول تانىستارىنىڭ ۇيىنە قونعان. بۇل اقپاراتتى تەكسەرىپ جاتىرمىز. قازىر بالا اكەسىنىڭ جانىندا», دەدى الماتى قالالىق پوليتسيا دەپارتامەنتىنىڭ رەسمي وكىلى سالتانات ازىربەك.
بۇعان دەيىن الماتى پوليتسياسى 10 جاستاعى گەننادي راگۋتكو 10 مامىر كۇنى تۇسكى ساعات 12:00 شاماسىندا ۇيىنەن شىعىپ, سودان ورالماعانىن حابارلاعان بولاتىن. پوليتسيا مالىمەتىنە سايكەس, وقۋشى بالا بۇعان دەيىن دە اتا-اناسىن ەسكەرتپەستەن ۇيىنەن كەتىپ قالعان ەكەن.