قر ۇكىمەت باسشىسىنىڭ ءبىرىنشى ورىنباسارى رومان سكليار الەم بويىنشا اۆتوكولىكتەردىڭ جاپپاي قىمباتتاۋى قازاقستانعا قالاي اسەر ەتىپ جاتقانىن ايتتى, دەپ حابارلايدى Egemen.kz.
«الەم بويىنشا اۆتوكولىكتەردىڭ قىمباتتاپ كەتكەنى بارشامىزعا ءمالىم. ەگەر كورەيالىق ماركاداعى تانىمال كولىكتەر بىزدە قىمباتتاسا, بۇل كولىكتەرگە بارشا الەمدە دە باعانىڭ وسكەنىن كورۋگە بولادى. اتاپ ايتقاندا, مەتالل قۇنى, تاسىمالداۋ قىزمەتتەرى, لوگيستيكا قىمباتتادى. وسىنىڭ بارلىعى وبەكتيۆتى ترەند جانە ءبىز دە ونىڭ اسەرىنەن اينالىپ كەتە المايمىز», دەدى رومان سكليار ەلوردادا مۇناي-گاز ماشينا جاساۋ سالاسىن دامىتۋعا ارنالعان فورۋم بارىسىندا.
ونىڭ ايتۋىنشا, اۆتوديلەرلەر ءوز قىزمەتىن قولدانىستاعى زاڭناما اياسىندا جۇرگىزىپ جاتىر.
«ولار شەتەلدەن اۆتوموبيل ساتىپ الىپ, ونىڭ ءبارىن زاڭنامالىق نەگىزدە وتكىزە الادى. الايدا اۆتوسالونداردا قوسىمشا قىزمەتتەردى الۋعا ماجبۇرلەيتىندەرگە قاتىستى توقتالساق, ولاردىڭ جۇمىسىن ءتيىستى مەملەكەتتىك ورگاندار تەكسەرۋى كەرەك», دەپ تۇيىندەدى ۇكىمەت باسشىسىنىڭ ورىنباسارى.