جامبىلداعى جول اپاتىنان زارداپ شەككەن وزبەكستاندىقتار ءۇشىن جەدەل جەلى ىسكە قوسىلدى

جۋالى اۋدانى, باۋىرجان مومىش ۇلى اۋىلىنان 6 شاقىرىم قاشىقتىقتا الماتى –تاشكەنت تاسجولىنىڭ 571 شاقىرىمىندا جول اپاتىنا تۇسكەن وزبەكستان رەسپۋبليكاسىندا تىركەلگەن اۆتوبۋستا بولعان جولاۋشىلار مەن جۇرگىزۋشىلەردىڭ تۋىستارى مەن جاقىندارىنا پسيحولوگيالىق كومەك كورسەتۋ بويىنشا جەدەل جەلى تەلەفوندارى اشىلدى.

بۇل تۋرالى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى.

«جامبىل وبلىسى توتەنشە جاعدايلار دەپارتامەنتىنىڭ قىزمەتكەرلەرى وقيعا ورنىندا اۆاريالىق-قۇتقارۋ جۇمىستارىن جۇرگىزىپ جاتىر. ءورت ءسوندىرۋ قىزمەتىنەن بارلىعى 38 قىزمەتكەر مەن 10 بىرلىك تەحنيكا جانە اپاتتار مەديتسيناسى ورتالىعىنىڭ 2 قىزمەتكەرى مەن 1 بىرلىك تەحنيكاسى جۇمىلدىرىلدى. وقيعانىڭ ناقتى سەبەپتەرى قۇزىرلى ورگاندار انىقتايدى», دەلىنگەن ۆەدومستۆو حابارلاماسىندا.

جەدەل جەلى تەلەفوندارى 8 (7262) 51-35-75, 51-41-67