شىمكەنت قالالىق پەريناتالدىق ورتالىعىندا ۇشەم دۇنيەگە كەلدى. بۇل تۋرالى شىمكەنت قالالىق اكىمدىگىنىڭ ءباسپاسوز قىزمەتى ءمالىم ەتتى, دەپ حابارلايدى Egemen.kz.
ۇشەم 24 ءساۋىر كۇنى دۇنيەگە كەلگەن. دارىگەرلەر گۇلميرا يۋسۋپوۆاعا جۇكتىلىكتىڭ 35-ءشى اپتاسىندا وتا جاساپ, كەسىر تىلىگى ارقىلى بوساندىرىپ العان. بۇگىن قالالىق پەريناتالدىق ورتالىق ۇجىمىنىڭ دارىگەرلەرى ءۇش ءسابي مەن اناسىن پەرزەنتحانادان شىعارىپ سالدى.
مامانداردىڭ ايتۋىنشا ايسۇلتان, ءاليا جانە ءسافيا ەسىمدى سابيلەردىڭ قازىرگى جاعدايى قالىپتى. بالالاردىڭ سالماعى 2000-2470 گرامم ارالىعىندا بولسا, بويى 40-42 سانتيمەردەن.
پەرزەنتحانادا 3 اپتاعا جۋىق ۋاقىت بولعان نارەستەلەر سالماق قوسىپ, دەنساۋلىعى جاقسارعان. 33 جاسىندا ۇشەم بوسانعان قالا تۇرعىنى گۇلميرا يۋسۋپوۆا بىردەن سەگىز بالانىڭ اناسى اتاندى. ول ءوزىنىڭ جۇكتى ەكەنىن بىلگەندە بىردەن ەكى قىز بەن ۇلدى دۇنيەگە اكەلەتىنىن بىلمەگەنىن ايتادى.
جىل باسىنان بەرى شىمكەنتتە 10 649 ءسابي دۇنيە ەسىگىن اشقان. ونىڭ 5165-ءى قىز بولسا, 5484-ءى ۇل بالا.