ەلجان بىرتانوۆقا قاتىستى باستى سوت وتىرىسىنىڭ ۋاقىتى بەلگىلەندى

بۇگىن نۇر-سۇلتان قالاسى سارىارقا اۋداندىق №2 سوتىندا بۇرىنعى دەنساۋلىق ساقتاۋ ءمينيسترى ەلجان ءبىرتانوۆتىڭ ءىسى بويىنشا الدىن الا سوت تىڭداۋى ءوتتى.

«ەلجان ءبىرتانوۆ پەن ولجاس ابىشەۆتى ايىپتاۋ بويىنشا قىلمىستىق ءىس ماتەريالدارى قارالدى. وسىلايشا سوت ايىپتىلار مەن ولاردىڭ قورعاۋشىلارىنىڭ قر قىجك-دە ورىن العان بۇزۋشىلىقتاردى جويۋ ءۇشىن قىلمىستىق ءىستى پروكۋرورعا قايتارۋ تۋرالى وتىنىشتەرىن قاناعاتتاندىرۋ, قىلمىستىق ءىستى توقتاتۋ جانە بىرتانوۆقا قاتىستى بۇلتارتپاۋ شاراسىن وزگەرتۋدەن باس تارتۋدى قاۋلى ەتەدى», دەدى سارىارقا اۋداندىق №2 سوتىنىڭ سۋدياسى يبراگيم الكەنوۆ.

باستى سوت وتىرىسى 26 مامىردا ساعات 10:00-عا بەلگىلەندى.

«ەلجان ءبىرتانوۆ پەن ولجاس ابىشەۆتىڭ ايىپتاۋىنا قاتىستى نەگىزگى سوت وتىرىسى جالپى تارتىپپەن اشىق تۇردە وتەدى. سوتتالۋشىلارعا قاتىستى ۇيقاماق تۇرىندەگى بۇلتارتپاۋ شاراسى وزگەرىسسىز قالادى. ياعني قىلمىستىق ءىس بويىنشا تۇپكىلىكتى شەشىم قابىلدانعانعا دەيىن ۇيقاماق مەرزىمىن ۇزارتۋ تۋرالى شەشىم قابىلداندى», دەيدى ول.

ەسكە سالا كەتەيىك, بۇرىنعى دەنساۋلىق ساقتاۋ ءمينيسترى ەلجان ءبىرتانوۆ 2020 جىلدىڭ 3 قاراشاسىندا بيۋدجەت قاراجاتىن ىسىراپ ەتتى دەگەن كۇدىكپەن قاماۋعا الىنعان بولاتىن.

بيىل قاڭتاردا ەكس-ءمينيستردىڭ ۇستىنەن قوزعالعان قىلمىستىق ءىس سوتقا ءتۇستى.

ايانا توعانبەك