قىتايدا تۇراتىن تيان حۋەي دەگەن ايەل باسقا ءبىر كەلىنشەكپەن امپەيى بولىپ جۇرگەن كۇيەۋىمەن قارىم-قاتىناسىن قايتادان قالپىنا كەلتىرىپ الۋ ءۇشىن ومىراۋىنا پلاستيكالىق وتا جاساتامىن دەپ بالەگە قالدى. بۇل تۋرالى «ۋترو.ru» سايتى حابارلادى.
نەگىزىنەن ايەل ەرلى-زايىپتىلىق ءومىرىن ساقتاپ قالۋ ماقساتىندا جاساتقان وتاسىنان ناتيجە شىعارا العان. شىنىمەن جۇبايىنىڭ كەۋدەسىندە «تومپيعان» زاتتىڭ پايدا بولعانىن كورگەن كەردەڭ كۇيەۋ شاڭىراعىنا قايتا ورالعان. بىراق شامالىدان كەيىن-اق ايەلدىڭ قولدان قوندىرىلعان يمپلانتاتسيا ومىراۋى ءبىر ورنىندا تۇرماي, قوزعالىپ كەتە بەرەتىن قىلىق شىعارا باستاعان.
سودان باستاپ 39 جاستاعى تيان حۋەيدەن دە مازا قاشقان. ول ءبىر كۇنى تاڭەرتەڭ تۇرعانىندا ءتىپتى ومىراۋىن تاپپاي دا قالادى. تەك اينا الدىنا بارعاندا عانا ءبىر ومىراۋىنىڭ قارنىندا, ەكىنشىسىنىڭ ارقاسىندا تۇرعانىن كورەدى.
وسىدان كەيىن ايەل دارىگەردىڭ كومەگىنە قايتا جۇگىنەدى. مەديكتەر انىقتاعانداي, ونىڭ ومىراۋىنا وتا جاسالعاندا ۋلاعىش زات قولدانىلىپتى. قىتايدا وسىدان 10 جىل بۇرىن بۇل پرەپاراتتى پايدالانۋعا تىيىم سالعان ەكەن.
دارىگەرلەر وسىدان كەيىن تيان حۋەيگە قايتادان وتا جاساپ, ونىڭ ۋلى «ومىراۋىن» الىپ تاستاپ, ورنىنا جاڭاسىن قويىپ بەرگەن. وسىلايشا قىرىقتىڭ قىرقسىنا جاقىنداعان تيان حۋەي كۇيەۋىمەن قارىم-قاتىناسىن ءوز دەنساۋلىعىنان جوعارى قويامىن دەپ ابىگەرگە تۇسكەن. قىتاي ايەلىنىڭ ايتۋىنشا, ءوزىنىڭ بۇل ارەكەتى كۇيەۋىن سەلت ەتكىزە قويماپتى.
جالپى, ادام تانىنە يمپلانتاتسيا جاسايتىن «جايساڭدار» ءوز كليەنتتەرىن ءجيى-ءجيى ىڭعايسىز جاعدايعا قالدىرادى ەكەن. وسىدان بىرنەشە جىل بۇرىن يمپلانتاتسيا جاساۋشىلار امەريكالىق مودەلەر شاۆون توررەسپەن وتە قاتتى «ازىلدەسكەن» بولاتىن. شوۋ-دۋماندى بەينە كامەراعا ءتۇسىرۋ جۇمىستارىنىڭ ۇستىندە شاۆون توررەستىڭ كولەمى ۇلكەن ەتىپ جاسالعان ومىراۋى جارىلىپ كەتكەن. باعىنا وراي, دارىگەرلەر ونى امان الىپ قالعان.
جولدىباي بازار.
دەرەككوز: ۋترو.ru.
فوتو: FederalPost.