سەكسەن جاستىڭ اۋىلىنا قادام باسسا دا تاياق ۇستاماي, ۆەلوسيپەدكە سەكىرىپ مىنەتىن قاريالارعا قايران قالاسىڭ. جۋىقتا اققۋلى اۋدانىنىڭ ءبىر توپ ارداگەرى نەمەرەلەرىمەن بىرگە ۆەلوشەرۋ ۇيىمداستىردى.
اۋداننىڭ قۇرمەتتى ازاماتى 75 جاستاعى ومىرزاق يساعۇلوۆتىڭ باستاماسىمەن وتكەن سپورتتىق شارانىڭ ماقساتى ايقىن. قازىنالى قارتتار سالاماتتى ءومىر سالتىن ناسيحاتتاپ, جاستارعا پاتريوتتىق رۋح سىيلاۋعا ۇمتىلدى. ايتپەسە, اۋرە بولماي, جانىن كۇتىپ ۇيدە تىنىش جاتۋعا دا بولاتىن ەدى. ۇرپاعىنىڭ كەمەل كەلەشەگىنە الاڭدايتىن قاريالاردىڭ ارەكەتى وسىنداي بولسا كەرەك.
ۆەلوشەرۋدە 85 جاستاعى تۇلكىباي كولۋمباەۆ, 84 جاستاعى سايلاش جۇپباەۆا, 80 جاستاعى اسكەن دۇيسەكەەۆ, 70 جاستاعى قۇرماش قوبايداروۆ, 65 جاستاعى سەيتجان باتتالوۆ تا بەلسەندىلىك تانىتتى. ارداگەرلەردى قولداپ, كوپبالالى انا زارينا مۋكينا دا قاتاردان تابىلدى. ولار جاڭاتاڭ اۋىلىنان اۋدان ورتالىعىنا دەيىن ۆەلوسيپەدپەن ءجۇرىپ ءوتتى.
اۋدان اكىمى ابزال بالعاباەۆ جاستارعا ءور رۋح بەرىپ, سالاماتتى ءومىر سالتىن ناسيحاتتاۋعا اتسالىسقان ارداگەرلەرگە العىسىن ءبىلدىردى.
پاۆلودار وبلىسى,
اققۋلى اۋدانى