وسكەمەن قالاسىندا ەكى كولىك سوقتىعىستى. اپات سالدارىنان 1 ادام قايتىس بولدى, دەپ حابارلايدى Egemen.kz.
شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە قاراعاندا, جول-كولىك وقيعاسى وسكەمەندەگى ساتپاەۆ داڭعىلىندا ورىن العان.
«ۆاز-2106» جانە «Toyota» ماركالى كولىكتەر سوقتىعىستى. «ۆاز-2106» كولىگىن تىزگىندەپ كەلە جاتقان ەر ادام قارسى جولاققا شىعىپ كەتىپ, «Toyota» كولىگىنە سوعىلدى. 55 جاستاعى «ۆاز-2106» جۇرگىزۋشىسى وقيعا ورنىندا كوز جۇمدى», دەپ حابارلادى ۆەدومستۆو وكىلدەرى.
قازىرگى ۋاقىتتا اتالعان فاكتى بويىنشا قر قىلمىستىق كودەكسىنىڭ 345-بابى 3-بولىگىنە (ابايسىزدا ادام ولىمىنە اكەپ سوققان جول قوزعالىسى ەرەجەلەرىن بۇزۋ) سايكەس سوتقا دەيىنگى تەرگەۋ امالدارى باستالدى.