بيىل قاراعاندى وبلىسىندا اۆتوكولىك جولدارىنىڭ احۋالىن جاقسارتۋ بويىنشا اۋقىمدى جۇمىستار جۇرگىزۋ جوسپارلانىپ وتىر. جول جوندەۋ جۇمىستارى مەملەكەت باسشىسىنىڭ تاپسىرماسى بويىنشا جۇزەگە اسىرىلادى, دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ.
ايتا كەتەرلىگى, جول جوندەۋ جۇمىستارىنىڭ ساپالى ورىندالۋى مەن جول-قۇرىلىس ماتەريالدارىن ءتيىمدى قولدانۋ جول اكتيۆتەرىنىڭ ۇلتتىق ساپا ورتالىعىنىڭ ءجىتى باقىلاۋىندا.
سونىمەن قاتار بۇل جۇمىستارعا اۆتورلىق جانە تەحنيكالىق قاداعالاۋ قىزمەتى مەن اككرەديتتەلگەن زەرتحانالار دا جۇمىلدىرىلماق.
جوندەۋ جۇمىستارى جالپى ۇزىندىعى 464 شاقىرىمدى قۇرايتىن وبلىستىق ماڭىزى بار 29 اۆتوكولىك جوباسىندا ىسكە اسىرۋ جوسپارلانعان. سونداي-اق جوشى حان جانە دومباۋىل كەسەنەلەرىنە اپاراتىن ۇزىندىعى 19,5 شاقىرىمدى قۇرايتىن اۆتوكولىك جولىن جوندەۋ دە كوزدەلىپ وتىر.
بيىل ۇزىندىعى 131 شاقىرىمدى قۇرايتىن 8 جول ۋچاسكەسىندە دە جوندەۋ جۇمىستارى جۇرگىزىلمەك. سونىمەن قاتار قالالىق جانە اۋداندىق اۆتوكولىك جولدارىنىڭ تەحنيكالىق جاعدايىن جاقسارتۋ ماقساتىندا 300 شاقىرىمدى قۇرايتىن اۋداندىق ماڭىزى بار جولدار, ەلدى مەكەندەر مەن كەنتىشىلىك كوشەلەردە جوندەۋ جۇمىستارى ىسكە اسىرىلادى.
جول جوندەۋ جۇمىستارىنا جالپى سانى 4 مىڭ بىرلىك جول-قۇرىلىسى تەحنيكاسى مەن 7 مىڭنان استام ادام تارتىلماق. جالپى, وڭىردەگى جەرگىلىكتى ماڭىزى بار جولداردىڭ 86 پايىزىن ءنورماتيۆتى دەڭگەيىنە كەلتىرۋ جوسپارلانىپ وتىر.