مەملەكەت باسشىسى قاسىم-جومارت توقاەۆتىڭ كونستيتۋتسياعا وزگەرىستەر مەن تولىقتىرۋلار ەنگىزۋ ماسەلەلەرىنە قاتىستى بەينەۇندەۋى كوپتىڭ كوكەيىندەگىسىن ءدوپ باسقان ماڭىزدى مالىمدەمە بولدى.
«جولداۋدا ايتىلعان باستامالاردىڭ نەگىزگى ماقساتى – ساياسي جۇيەمىزدى تۇبىرىمەن وزگەرتۋ. بۇل حالىقتىڭ كوپ جىلعى تالاپ-تىلەگىنەن تۋىنداپ وتىر. ازاماتتارىمىز مەملەكەتتى باسقارۋ ىسىنە قاتىسۋعا كەڭ مۇمكىندىك بەرىلگەنىن قالايدى. سونداي-اق ساياسي ۇدەرىستى تۇبەگەيلى دەموكراتيالاندىرۋ قاجەت دەپ سانايدى. مۇنى ءتيىمدى جۇزەگە اسىرۋ ءۇشىن اتا زاڭىمىزعا وزگەرىستەر ەنگىزۋ قاجەت», دەگەن پرەزيدەنت كونستيتۋتسيانىڭ ۇشتەن ءبىرى حالىق قالاعان وزگەرىستەر نەگىزىندە رەفورمالاناتىنىن جەتكىزدى. بۇل – اۋقىمدى وزگەرىس, ەل تاريحىنداعى اسا ماڭىزدى قادام بولماق. بارلىق وزگەرىس پەن تولىقتىرۋدىڭ ەلدىڭ تالاپ-تىلەگى ارقىلى جۇزەگە اساتىنىن جەتكىزگەن مەملەكەت باسشىسى 5 ماۋسىمدا رەسپۋبليكالىق رەفەرەندۋم وتكىزۋدى دۇرىس دەپ تاپتى.
بۇل – بارلىق رەفورمانىڭ ەلدىڭ پىكىرى ارقىلى عانا قولدانىسقا ەنەتىنىن بىلدىرەدى. سونداي-اق بۇل باستامالار پرەزيدەنتتىڭ وكىلەتتىلىكتەرىن كۇشەيتۋگە ەمەس, ىقپالدى پارلامەنت قۇرۋ ارقىلى قوعام ءۇنىن ەسكەرەتىن ۇكىمەتتى قالىپتاستىرۋدىڭ العىشارتى ەكەنى ايدان انىق. قالاي دەسەك تە الداعى وزگەرىستەر ەل تاريحىنداعى اسا جاۋاپتى, ماڭىزدى كەزەڭ بولارى انىق. ءسوز جۇزىندەگى ەمەس, حالىق يگىلىگىن كورەتىن, شيرەك عاسىردان استام ۋاقىتتا قول جەتكىزگەن قۇندىلىقتارىمىزدى قاستەرلەۋ ارقىلى جاڭا بەلەسكە قادام باساتىن جاڭا قازاقستاننىڭ بولاشاعى ءۇشىن ءاربىرىمىز رەفەرەندۋمعا قاتىسىپ, ءوز تاڭداۋىمىزدى بىلدىرەيىك. بۇل – ءبىزدىڭ ازاماتتىق, وسى ەلدىڭ ەرتەڭىنە الاڭدايتىن پەرزەنتى رەتىندەگى بورىشىمىز.
بەيسەن تاجىباەۆ,
Amanat پارتياسى تۇركىستان وبلىستىق فيليالىنىڭ اتقارۋشى حاتشىسى