وسكەمەن قالاسىندا پوليتسيا قىزمەتكەرلەرى مەن قۇتقارۋشىلار كوپىردەن سەكىرمەك بولعان قىزدى قۇتقارىپ قالدى, دەپ حابارلايدى Egemen.kz turkystan.kz-كە سىلتەمە جاساپ.
شقو پوليتسيا دەپارتامەنتى ءباسپاسوز قىزمەتىنىڭ مالىمەتى بويىنشا, بۇگىن تاڭەرتەڭ كولىك جۇرگىزۋشىلەرى ەرتىس كوپىرىنەن سەكىرەيىن دەپ تۇرعان قىزدى بايقاپ, پوليتسياعا حابار بەرگەن. وقيعا ورنىنا شۇعىل تۇردە قۇتقارۋشىلار مەن ءتارتىپ ساقشىلارى جەتتى. ولار 23 جاستاعى قىزدى سوزگە تارتىپ, تجد قىزمەتكەرلەرى قايىق شاقىرعان.
«قىزدىڭ كوڭىلى ءسال اۋلانعان ساتتە قۇتقارۋشىلار مەن پوليتسەيلەر جىلدام ارەكەت ەتىپ, ونى ۇستاپ الدى. سودان كەيىن قاۋىپتى ايماقتان الىپ شىعىپ, جەدەل جاردەم قىزمەتكەرلەرىنە تاپسىردى. قازىر ونىڭ ومىرىنە ەشقانداي قاۋىپ ءتونىپ تۇرعان جوق», دەلىنگەن اقپاراتتا.
قازىر قىزبەن پسيحولوگتار جۇمىس ىستەپ جاتىر.
ايانا توعانبەك