مەملەكەتتىك قالا قۇرىلىسى كاداسترىنىڭ تسيفرلىق بازاسىن قالىپتاستىرۋ شەڭبەرىندە وڭىرلەردە ينجەنەرلىك كوممۋنيكاتسيالاردى ينۆەنتاريزاتسيالاۋ جۇمىستارى جالعاسۋدا.
ماسەلەن, بيىل رەسپۋبليكالىق بيۋدجەت قاراجاتى ەسەبىنەن اقتوبە, قاراعاندى, وسكەمەن, ليساكوۆ, ارىس قالالارىنىڭ قۇرىلىس سالىنعان اۋماعىنىڭ 9,3 مىڭ گەكتارىنا ينجەنەرلىك كوممۋنيكاتسيالاردى تۇگەندەۋ جۇرگىزىلۋدە. جەرگىلىكتى بيۋدجەت قاراجاتى ەسەبىنەن ەلدى مەكەندەردە 8,8 مىڭ گا ينجەنەرلىك جەلىلەرگە ينۆەنتاريزاتسيا جۇمىستارى جۇرگىزىلىپ جاتىر.
ايتا كەتەرلىگى, جەر استى جانە جەر ءۇستى ينجەنەرلىك كوممۋنيكاتسيالارىن تۇگەندەۋ ارقىلى وڭىرلەردە ەلدى مەكەندەردىڭ تسيفرلىق كاداسترلىق جوسپارلارى قۇرىلعان. 2018 جىلدان باستاپ شىمكەنت قالاسىنىڭ جانە اۋدانى 78,3 مىڭ گا 10 وبلىس ورتالىعىنىڭ قۇرىلىس سالىنعان اۋماقتارىندا جەراستى جانە جەرۇستى كوممۋنيكاتسيالارى ينۆەنتاريزاتسيالاندى. كوكشەتاۋ, پەتروپاۆل, تاراز قالالارىندا ينفراقۇرىلىمدىق وبەكتىلەردى تۇگەندەۋ جۇمىستارى تولىعىمەن اياقتالعان.
قازىرگى ۋاقىتتا قالا قۇرىلىسى كاداسترىنىڭ اقپاراتتىق جۇيەسى ينجەنەرلىك كوممۋنيكاتسيالاردىڭ تسيفرلىق دەرەكتەرىنىڭ 63,7%-ىن, باس جوسپاردىڭ 93,6%-ىن جانە رەسپۋبليكالىق, وبلىستىق جانە اۋداندىق ماڭىزى بار قالالاردىڭ ەگجەي-تەگجەي جوسپارلارىنىڭ 95,6%-ىن قامتيدى.