بۇل تۋرالى الماتى اكىمدىگىنىڭ رەسمي سايتى ءمالىم ەتتى, دەپ حابارلايدى Egemen.kz.
«الاتاۋ, بوستاندىق جانە مەدەۋ اۋداندارىنداعى كوشەلەرگە كورنەكتى مادەنيەت جانە عىلىم قايراتكەرلەرىنىڭ ەسىمدەرى بەرىلدى. بۇگىن قالالىق ءماسليحات دەپۋتاتتارى ولاردىڭ اتتارىن بەكىتتى.
ولاردىڭ اراسىندا قازاق وليمپيادا ويىندارىنىڭ العاشقى چەمپيونى جاقسىلىق ۇشكەمپىروۆ, كومپوزيتور قارشىعا احمەديار ۇلى, اكادەميك جانە كومپوزيتور عازيزا احمەتقىزى, قازاق كسر حالىق ءارتىسى روزا ۇمبەتقىزى, اقىن جانە پۋبليتسيست ءماشھۇر ءجۇسىپ, ەتنولوگ جانە شىعىستانۋشى لەۆ گۋميلەۆ جانە باسقا دا كورنەكتى قايراتكەرلەر بار», دەلىنگەن حابارلامادا.
سونداي-اق كوشەلەردىڭ ءبىرىنىڭ اتاۋى تۇركيانىڭ بۇرىنعى پرەمەر-ءمينيسترى, ساياساتكەر ادنان مەندەرەسكە بەرىلدى. ول حح عاسىردىڭ ورتاسىندا تۇركياعا قونىس اۋدارعان وتانداستارىمىزعا كومەك كورسەتتى.
«كوشەلەر «نۇركەنت», «ەرمەنساي», «نۇر الاتاۋ», «نۇرلىتاۋ» جانە «الاتاۋ» شاعىن اۋداندارىندا ورنالاسقان», دەدى ۆەدومستۆو وكىلدەرى.