رەسەيدەگى اباكان قالاسى ماڭىنداعى ساموحۆال تاۋىنداعى ءورتتىڭ اۋدانى 10 مىڭ شارشى شاقىرىمعا جەتتى. سالدارىنان 30-عا جۋىق عيمارات وتقا ورانىپ, ءبىر ايەل زارداپ شەكتى, دەپ حابارلايدى Egemen.kz تاسس اگەنتتىگىنە سىلتەمە جاساپ.
رەسەي توتەنشە جاعدايلار مينيسترلىگى حاكاسيا رەسپۋبليكاسى بويىنشا باس باسقارماسىنىڭ ءباسپاسوز قىزمەتىنىڭ جەتەكشىسى ەكاتەرينا يۋروۆانىڭ ايتۋىنشا, ءورت «يۋجنوە» ساياجاي قوعامداستىعىندا باستالعان. ساياجاي اۋماعىنان 12 ادام ەۆاكۋاتسيالاندى.
بۇعان دەيىن حاكاسيانىڭ سايانوگورسك قالاسىندا اۋقىمدى ورتكە بايلانىستى توتەنشە جاعداي رەجيمى ەنگىزىلگەن بولاتىن.
سونداي-اق رەسەي فەدەراتسياسى پرەزيدەنتىنىڭ ءسىبىر فەدەرالدىق وكرۋگىندەگى وكىلەتتى وكىلى اناتولي سەرىشەۆتىڭ ءباسپاسوز قىزمەتىنىڭ حابارلاۋىنشا, حاكاسيا بيىلعى جىلى سىبىردە ەڭ كوپ تابيعي ورتتەر تىركەلگەن العاشقى ءتورت ايماقتىڭ قاتارىنا ەندى. بۇل تىزىمگە كراسنويار ولكەسى, ومبى جانە ءنوۆوسىبىر وبلىستارى دا كىرەدى.