بيىلعى جىلدىڭ 10-25 قىركۇيەگى ارالىعىندا حانچجوۋ قالاسىندا (قىتاي) ءوتۋى ءتيىس 2022 جىلعى جازعى ازيا ويىندارى بەلگىسىز مەرزىمگە شەگەرىلدى, دەپ حابارلايدى Egemen.kz ازيا وليمپيادالىق كەڭەسىنىڭ (OCA) سايتىنا سىلتەمە جاساپ.
«قىتايدىڭ وليمپيادا كوميتەتىمەن حانچجوۋداعى ازيا ويىندارىن ۇيىمداستىرۋ كوميتەتىمەن OCA اتقارۋشى كەڭەسى بۇگىن قىتايدىڭ حانچجوۋ قالاسىندا وتەتىن 12022 جىلعى 10-25 قىركۇيەك ارالىعىنا جوسپارلانعان XIX ازيا ويىندارى كەيىنگە شەگەرىلدى. ويىندى وتكىزۋدىڭ جاڭا كۇنى تاياۋ ۋاقىتتا جاريالانادى.
حانچجوۋداعى ازيا ويىندارىنىڭ ۇيىمداستىرۋ كوميتەتى جاھاندىق پروبلەمالارعا قاراماستان ويىنداردى وتكىزۋگە جاقسى دايىندالدى. الايدا, جوعارىدا اتالعان شەشىمدى بارلىق مۇددەلى تاراپتار پاندەميا جاعدايى مەن ويىن اۋقىمىن مۇقيات قاراستىرعاننان كەيىن قابىلدادى.
19-شى ازيا ويىندارىنىڭ اتاۋى مەن ەمبلەماسى وزگەرىسسىز قالادى جانە اوك بىرلەسكەن كۇش جىگەردىڭ ارقاسىندا ويىندار ءساتتى وتەدى دەپ سانايدى», دەلىنگەن ازيا وليمپيادالىق كەڭەسىنىڭ حابارلاماسىندا.
قر ۇلتتىق وليمپيادا كوميتەتىنىڭ مالىمەتىنشە, حانچجوۋدا وتەتىن XIX ازيا ويىندارىندا 61 ديستسيپلينادان تۇراتىن 40 سپورت ءتۇرى ۇسىنىلادى. ويىنداردا 482 التىن مەدال ساراپقا سالىنادى.