24 اقپان مەن 5 مامىر ارالىعىندا 5 707 967 بوسقىن ۋكراينانىڭ كورشى ەلدەرمەن شەكاراسىن كەسىپ ءوتتى. بۇل تۋرالى بىرىككەن ۇلتتار ۇيىمىنىڭ بوسقىندار ءىسى جونىندەگى جوعارعى كوميسسارىنىڭ باسقارماسى (UNHCR) مالىمدەدى, دەپ حابارلايدى Egemen.kz.
بۇۇ بجكب مالىمەتىنشە, 24 اقپاننان بەرى ەلدەن كەتكەن ۋكراينا ازاماتتارىنىڭ جارتىسىنان كوبى پولشاعا ورنالاسقان.
وسىلايشا, پولشاعا – 3 119 196, رۋمىنياعا – 854 292, رەسەيگە – 714 713, ۆەنگرياعا – 545 311, مولدوۆاعا – 450 797, سلوۆاكياعا – 388 282, بەلارۋسكە 25 852 ۋكراينالىق كەتكەن.
سونىمەن قوسا, بۇۇ بجكب 2022 جىلدىڭ 18-23 اقپانى ارالىعىندا ۋكراينانىڭ دونەتسك جانە لۋگانسك وبلىستارىنان رەسەيگە 105 000 ادامنىڭ كەتكەنىن حابارلادى.