تۇركىستان قالاسىنداعى ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىندە تۇركى حالىقتارىنىڭ «دوستىق فەستيۆالى» ءوتتى, دەپ حابارلايدى Egemen.kz.
وبلىستىق قازاقستان حالقى اسسامبلەياسىنىڭ مۇشەلەرى, وبلىستىق قوعامدىق دامۋ باسقارماسى «قوعامدىق كەلىسىم» كمم-ءنىڭ باسشىلىعى, وڭىردەگى ەتنومادەني بىرلەستىكتەردىڭ جەتەكشىلەرى, «اسسامبلەيا جاستارى» رقب وبلىستىق وكىلدىگى مەن قالانىڭ بەلسەندى جاستارى, حقتۋ ستۋدەنتتەرى قاتىسقان مادەني ءىس-شارانىڭ اشىلۋىندا قۇتتىقتاۋ ءسوز سويلەگەن حقتۋ رەكتورى جانار تەمىربەكوۆا تۇركى جۇرتىنىڭ باسىن قوسقان يگى شارانىڭ ءمان-ماڭىزىنا توقتالدى. ال رەكتور وكىلى جەنگيز تومار ەلىمىزدە ءومىر ءسۇرىپ جاتقان بارشا ەتنوستاردىڭ ءتىلى مەن مادەنيەتىنىڭ ساقتالۋىنا مۇمكىندىك جاسالعانىن ايتا كەلىپ, بارشا قازاقستاندىقتارعا بەرەكە-بىرلىك تىلەدى.
سونداي-اق فەستيۆال شەڭبەرىندە تۇركى حالىقتارىنىڭ ارنايى مەرەكەلىك كونتسەرتى ۇسىنىلدى. ونەرپاز جاستار تۇركى حالقىنىڭ بىرلىگى, دوستىق, وتانسۇيگىشتىك تاقىرىپتارىندا ءان شىرقاپ, كوپشىلىكتىڭ قوشەمەتىنە بولەندى. ۋنيۆەرسيتەت تۇركىتىلدەس مەملەكەتتەر مەن قاۋىمداستىق جاستارىنا ءبىر شاڭىراق استىندا ساپالى ءبىلىم بەرۋ جانە يننوۆاتسيالىق وقىتۋ مەن عىلىمي زەرتتەۋلەردە كوشباسشى بولۋلارىندا سەپتىگىن تيگىزىپ كەلە جاتقانىن ايتا كەتەلىك.