بۇگىن مەملەكەتتىك حاتشى ەرلان قاريننىڭ قاتىسۋىمەن «كونستيتۋتسيا 2022: ەكىنشى رەسپۋبليكانىڭ نەگىزى» اتتى ساراپشىلار تالقىلاۋى ءوتتى, دەپ حابارلايدى Egemen.kz اقورداعا سىلتەمە جاساپ.
جيىنعا ۇلتتىق قوعامدىق سەنىم كەڭەسىنىڭ مۇشەلەرى, بەلگىلى ساياساتتانۋشىلار مەن زاڭگەرلەر قاتىستى.
كەزدەسۋدە ەرلان قارين كونستيتۋتسيالىق كەڭەس وڭ قورىتىندىسىن بەرگەن اتا زاڭعا ەنگىزىلەتىن تۇزەتۋلەر مەن تولىقتىرۋلار جايىندا ءسوز قوزعادى. مەملەكەتتىك حاتشى كونستيتۋتسيالىق رەفورما بيلىك تارماقتارى اراسىنداعى قارىم-قاتىناس بالانىسىن وڭتايلاندىرۋعا, حالىقتىڭ مەملەكەتتى باسقارۋ ىسىنە ارالاسۋىن كەڭەيتۋگە جانە قازاقستاندىقتاردىڭ كونستيتۋتسيالىق قۇقىعىنىڭ قورعالۋىن كۇشەيتۋگە مۇمكىندىك بەرەتىنىن اتاپ ءوتتى.
ءوز كەزەگىندە ۇلتتىق كەڭەس مۇشەلەرى مەن ساياساتتانۋشىلار ەل كونستيتۋتسياسىنا ەنگىزىلەتىن وزگەرىستەردى قولدادى. جيىندا اتالعان وزگەرىستەردى ازىرلەۋ بارىسىندا ۇلتتىق كەڭەس مۇشەلەرىنىڭ ۇسىنىستارى مەن ۇسىنىمدارى ەسكەرىلگەنىنە نازار اۋدارىلدى.
كەزدەسۋ سوڭىندا ساراپشىلار كونستيتۋتسيالىق رەفورما قازىرگى ساياسي مودەلدى جۇيەلى تۇردە ترانسفورماتسيالاۋعا نەگىز بولادى دەپ قورىتىندى جاسادى.