دۇنيەجۇزىلىك دەنساۋلىق ساقتاۋ ۇيىمى وڭتۇستىك افريكادا كوروناۆيرۋس اۋرۋىنىڭ كوبەيۋىنە سەبەپ بولعان وميكروننىڭ ەكى جاڭا شتاممى تۋرالى مالىمدەدى, دەپ حابارلايدى Egemen.kz ۇيىمنىڭ سايتىنا سىلتەمە جاساپ.
«BA.4 جانە BA.5 شتاممدارى نەعۇرلىم اۋىر بەلگىلەردى تۋدىرا ما, جوق پا, ونى ناقتى بىلۋگە ءالى ەرتە. بىراق بۇل – پاندەميانىڭ اياقتالماعانىنىڭ تاعى ءبىر بەلگىسى», دەپ مالىمدەدى ددۇ باس ديرەكتورى تەدروس ادانوم گەبرەيسۋس 4 مامىردا وتكەن ءباسپاسوز ءماسليحاتىندا.
ددۇ ءساۋىر ايىنىڭ ورتاسىندا BA.4 جانە BA.5 شتاممادارىن باقىلاي باستادى. ولار بۇرىن انىقتالعان BA.1 جانە BA.2 شتاممدارىنىڭ قوسىمشا ءتۇرى. سوڭعىسى قازىر بۇكىل الەمدە كەڭىنەن تارالىپ جاتىر. ۇيىمنىڭ مالىمەتىنشە, ءساۋىر ايىنىڭ سوڭىندا.
وڭتۇستىك افريكادا ءبىر تاۋلىكتە COVID-19 جۇقتىرۋدىڭ 2650 دەرەگى تىركەلگەنىن حابارلادى. بىراق 1 مامىردا 6500-دەن استام كوروناۆيرۋس جۇقتىرۋشىلار تىركەلگەن. ولاردىڭ سانى وسۋدە. جاڭا شتاممدارعا قاراماستان, گەبرەيسۋس COVID-19 جاعدايلارىنىڭ سانى بۇكىل الەمدە تومەندەگەنىن جانە پاندەميا العاش باستالعان كەزدە 2020 جىلدىڭ ناۋرىزىنان باستاپ اپتا سايىنعى ءولىم-ءجىتىم ازايىپ بارا جاتقانىن ايتتى.
سونىمەن قاتار ددۇ باسشىسى كوروناۆيرۋسقا تەست تاپسىرۋ ماڭىزدى بولىپ قالا بەرەتىنىن اتاپ ءوتتى.