قازاقستان برازيليانىڭ كاشياس-دۋ-سۋل قالاسىندا ءوتىپ جاتقان سۋردليمپيادا-2021 ويىندارىندا العاشقى التىندى الدى, دەپ حابارلايدى Egemen.kz Sports.kz سايتىنا سىلتەمە جاساپ.
دزيۋدوشى ەركەبۇلان قانافين جەڭىس تۇعىرىنىڭ ەڭ بيىك ساتىسىنا كوتەرىلدى. 81 كەلىگە دەيىنگى سالماقتاعى فينالدا قازاقستاندىق سپورتشى وڭتۇستىك كورەيا وكىلى كيم مين سوكتى جەڭدى. شەشۋشى جەكپە-جەك الدىندا ەركەبۇلان قانافين فرانتسيالىق رافاەل كۋبەليكتەن باسىم ءتۇستى.
سونىمەن قازاقستاننىڭ قورجىنىندا بۇگىندە 1 التىن, 2 كۇمىس جانە 4 قولا – بارلىعى 7 مەدال بار.