شوتىڭىزعا بۇعاۋ سالىنباسىن

قارجى مينيسترلىگى مەملەكەت­تىك كىرىستەر كوميتەتىنىڭ ماماندارى قازاقستاندىقتاردىڭ كولىك قۇرالدارىنا سالىناتىن سالىق سومالارى بويىنشا بەرەشەك تۋرالى PUSH-حابارلامالار بانك قوسىمشالارىنا جىبەرىلىپ جاتقانىن جەتكىزدى. «سالىق تولەۋ – ءار ازاماتتىڭ مىندەتى. كولىك سالىعى دا سونىڭ قاتارىنا كىرەدى. 2021 جىلعا جەكە تۇلعالاردىڭ كولىك قۇرالدارىنا سالىق تولەۋ مەرزىمى 2022 جىلعى 1 ساۋىردە اياقتالدى. سالىق بەرەشەگى تۋرالى حابارلاما تابىس ەتىلگەن كۇننەن باستاپ 30 جۇمىس كۇنى وتكەن سوڭ 3 063 تەڭگەدەن كوپ ء(بىر ەسەلەنگەن اەك) مولشەردە سالىق بەرەشەگى تولەنبەگەن جاعدايدا سالىق ورگانى سالىق بۇيرىعىن شىعارادى. وسىلايشا, بەرەشەگىن وتەمەگەن جەكە تۇلعالارعا ءتيىستى تولەمدى ماج­بۇرلەپ ءوندىرىپ الۋ تۋرالى سا­لىق بۇيرىعى جولدانادى. وسى بۇي­رىق يەسىنە جەتكەن كۇننەن باس­تاپ 5 جۇمىس كۇنى ىشىندە بەرەشەك وتە­لۋى ءتيىس. ايتپەسە بۇيرىق جەكە سوت ورىن­داۋشىلارىنا ماجبۇرلەپ ءوندىرىپ الۋ ءۇشىن جىبەرىلەدى», دەيدى ماماندار.

ەگەر سالىق بەرەشەگى تۋرالى حابارلاما جەكە سوت ورىنداۋ­شىسىنا جەتسە, وندا بورىشكەر سالىق سوماسىنىڭ ۇستىنە سوت ورىنداۋشىسىنىڭ قىزمەتى ءۇشىن دە اقى تولەۋگە ءماجبۇر بولادى. ولاردىڭ قىزمەتى سالىق بەرەشەگى سوماسىنىڭ 25%-ىن قۇرايدى. ياعني كولىگىڭىزدىڭ سالىعى شامامەن 25 مىڭ تەڭگە بولسا, وندا وسى سومادان تىس 6 250 تەڭگەنى سوت ورىنداۋشىسىنا بەرەسىز دەگەن ءسوز. ونىڭ سىرتىندا بانكتەگى شوتتارىڭىز بۇعاتتالىپ, جيناعان دەپوزيتىڭىزدەگى اقشانى الۋعا شەكتەۋ قويىلادى.

«سوندىقتان بەرەشەكتى ماج­بۇر­­لەپ ءوندىرىپ الۋعا بايلا­نىس­تى قولايسىزدىقتى بولدىر­ماس ءۇشىن ازاماتتار سالىق بەرە­شە­گىن ۋاقتىلى وتەپ, مەم­لە­كەت الدىنداعى سالىق مىندەت­تەمە­لەرىن ورىنداۋعا شاقىرا­مىز. سا­لىق بەرەشەگىنىڭ بار-جوعى تۋرالى مالىمەتتەردى (AppStore, PlayMarket) e-Salyq Azamat ءموبيل­دى قوسىمشاسى ارقى­لى تەكسەرۋگە بولادى: e-Salyq Azamat→ەلەكتروندى سەرۆيس­تەر→سالىق جانە الەۋمەتتىك تولەمدەر بويىنشا بەرەشەك تۋرالى قىزمەتى→جسن-دى ەنگىزۋ», دەيدى مەملەكەتتىك كىرىستەر كومي­تەتى باسقارما باسشىسىنىڭ ورىنباسارى اينۇر سارتاەۆا.