3 مامىردا ۇكىمەت ۇيىندە قر پرەمەر-ءمينيسترى ءاليحان سمايىلوۆ جانار-جاعارماي ماتەريالدارىن ءوندىرۋ جانە ءبولۋ ماسەلەلەرى جونىندە كەڭەس وتكىزدى, دەپ حابارلايدى Egemen.kz primeminister.kz-كە سىلتەمە جاساپ.
ءتيىستى ۇسىنىستاردى ەنەرگەتيكا مينيسترلىگى قر پرەزيدەنتى قاسىم-جومارت توقاەۆتىڭ ججم نارىعىن رەفورمالاۋ جونىندەگى تاپسىرماسىن ورىنداۋ اياسىندا ازىرلەدى.
بايانداما جاساعان ەنەرگەتيكا ءمينيسترى بولات اقشولاقوۆ ىشكى نارىققا مۇناي جەتكىزۋ جانە مۇناي ونىمدەرىن وتكىزۋ سحەمالارىن قايتا قاراۋدى كوزدەيتىن زاڭنامالىق وزگەرىستەر ەنگىزۋدى ۇسىندى.
تۇزەتۋلەر مۇنايدى تىكەلەي جەر قويناۋىن پايدالانۋشىلاردىڭ, ولاردىڭ ەنشىلەس ماركەتينگتىك قۇرىلىمدارىنىڭ وزدەرىنىڭ وڭدەۋگە جەتكىزۋىن, سونداي-اق مۇنايدى ءموز-ءدىڭ ساتىپ الۋىن كوزدەيدى. مۇناي ونىمدەرىن وتكىزۋ سالاسىندا ءونىمسىز دەلدالداردى شەتتەتۋ ۇسىنىلادى.
اۋىل شارۋاشىلىعى تاۋارىن وندىرۋشىلەردى ارزانداتىلعان ديزەل وتىنىمەن قامتاماسىز ەتۋ ماسەلەسى دە قارالدى. ماسەلەن, وسىنداي وتىن كولەمىنىڭ ماقساتتى ءبولىنۋىن باقىلاۋ ءۇشىن اۋماقتىق بولىنىستە ءاشتو-ءنىڭ دەرەكتەر بازاسىن قۇرۋ جانە وتىن ءبولۋدىڭ ەلەكتروندىق-اقپاراتتىق جۇيەسىن ەنگىزۋ جوسپارلانىپ وتىر.
سونىمەن قاتار ەنەرگەتيكا ءمينيسترى ەلدەن جانار-جاعار ماي اعىنىن شەكتەۋ بويىنشا ۇسىنىلعان شارالاردى اتاپ ءوتتى. اتاپ ايتقاندا, اۆتوكولىكپەن ججم شىعارۋعا سالىنعان تىيىمدى ۇزارتۋ جانە رۇقساتسىز شىعارۋعا جاۋاپكەرشىلىكتى كۇشەيتۋ ماسەلەسى قاراستىرىلىپ جاتىر.
كەڭەستى قورىتىندىلاي كەلە, ۇكىمەت باسشىسى ۇسىنىلعان تاسىلدەردى ماقۇلداپ, ەنەرگەتيكا مينيسترلىگىنە ولاردى بارلىق مۇددەلى تاراپتارمەن بىرگە پىسىقتاۋدى تاپسىردى.