وتاۋ

اقتاۋدا 200 پاتەرلىك جاڭا تۇرعىن ۇيلەر پايدالانۋعا بەرىلدى. بەس قاباتتى ۇيلەردىڭ تۇرعىندارى –  جاس­تار, ياعني جاس وتباسىلار.

«قولجەتىمدى باسپانا-2020» مەملەكەتتىك باعدار­لاماسى اياسىندا جاس وتباسىلارعا ارناپ سالىنعان تۇرعىن ءۇيدىڭ ءبىرى – 100 پاتەرلى ءۇي يەلەرىنە جىل باسىندا تاپسىرىلعان بولاتىن. بۇل جولى 40 پاتەرلىك 5 ءۇي قوجايىندارىن قارسى الدى. وڭىردە قازىر تۇرعىن ءۇي سالۋ ءىسى قارقىندى كۇيدە. ءوت­كەن جىلى ماڭعىستاۋ وبلىسىندا 532 مىڭ شارشى مەتر تۇرعىن ءۇي پايدالانۋعا بەرىل­گەن. سونداي-اق, مەرزىمىندە لايىقتى پايدالانىلماعان 24 گەكتار جەر تەلىمى مەملەكەت مەن­شىگىنە قايتارىلعان سوڭ, وسى جەردەن جاڭا شاعىن اۋدان­نىڭ جوسپارى جاساقتالىپ, ينفراقۇرىلىمدارىنىڭ جوبالارى سىزىلعان. «قولجەتىمدى باسپانا-2020» باعدارلاماسى اياسىنداعى ۇيلەر بوي كوتەرەدى دەپ جوسپارلانعان جاڭا شاعىن اۋداندا جىل باسىندا 40 ءپا­تەرلى جانە 60 پاتەرلى تۇرعىن ۇيلەردىڭ ىرگەتاسى قالانعان بولاتىن. تالاي وتباسىنى ءۇيلى قىلۋعا تالاپتانعان باعدارلاما شەڭبەرىندە اقتاۋ قالاسىندا وزگە دە جاڭا تۇرعىن ۇيلەر قۇ­رىلىستارى جۇرمەك. سالتاناتتى ساتكە قاتىسقان ايماق باسشىسى ا.ايدارباەۆ جاس وتباسىلاردى قۋانىشىمەن قۇتتىقتاپ, مەملەكەت باسشى­سىنىڭ تاپسىرماسىن جۇزەگە اسىرۋ باعىتىنداعى يگىلىكتى ءىستىڭ جالعاسىن تاباتىندىعىن ايتتى. تاۋەلسىز ەلىمىزدىڭ جاستارى باسپانالى بولدى. وتاۋ كوتەرىپ, ءوز الدىنا شاڭىراق تىكتى دەسەك جاراسادى. الايدا, زامانداستارىنا قىزىعا كوز سالىپ, الىستان جابىرقاي قاراپ تۇرعان جان قانشاما ءالى؟! ءبارى ءۇيلى بولسا ەكەن... گۇلايىم شىنتەمىرقىزى, «ەگەمەن قازاقستان». اقتاۋ.