جاس ورەندەر شالقاردا بەلدەستى

شالقاردا گرەك-ريم كۇ­رەسىنىڭ قالىپتاسقان جاقسى مەك­تەبى جانە جەڭىسپەن ورىل­گەن وزىندىك ءداس­تۇرى بار. بار­لىق مىقتىلاردى تىز­بەك­­تەمەي-اق, بۇل وڭىردەن كسرو حا­لىقتارى سپارتاكيادا­سى مەن بۇكىلوداقتىق ۋنيۆەر­سيا­دانىڭ جەڭىمپازى, كسرو چەم­پيوناتىنىڭ كۇمىس جۇلدە­گەرى, كسرو كۋبوگىنىڭ يەگەرى ەسەنكەلدى باتىرعارين مەن الەم چەمپيوناتىنىڭ ەكى دۇركىن جۇلدەگەرى, ازيا ويىندارىندا ءۇشىنشى ورىندى يەلەنىپ, قۇر­لىق بىرىنشىلىگىندە ءتورت رەت جەڭىس تۇعىرىنا كوتەرىل­گەن مەيرام­بەك ايناعۇلوۆتىڭ شىققانىن ايتساق تا جەتكىلىكتى. مىنە, سول جارقىن جەڭىستەردىڭ التىن باستاۋىندا ۆلاديمير تسەحانوۆيچ پەن مۇرات ەسەن­جولوۆ سىندى بىلىكتى باپ­كەر­لەردىڭ تۇرعانىن كەيىنگى جاستار بىلمەۋى دە مۇمكىن.

شالقاردا كلاسسيكالىق كۇرەس­تىڭ ىرگەتاسىن قالاعان ۆلادي­مير تسەحانوۆيچتەي مايتالمان ماماننان ءتالىم-تاربيە العان مۇرات ءالىمباي ۇلى بىرقاتار ءىرى دودادا دارالانىپ, 1972 جىلى كسرو سپورت شەبەرى اتاندى. سودان كەيىن باپكەرلىكتىڭ قامى­تىن كيىپ, جەرگىلىكتى جاستارعا با­لۋان­دىق ونەردىڭ قىر-سىرىن ۇي­رەتتى. سولاردىڭ اراسىنان ءتۇر­لى جارىستاردا اتوي سالعان اعزام  حابيبۋللين, جاردەم باي­عاليەۆ جانە مۇرات جۇماشەۆ سىن­دى ساڭلاقتاردى بولە-جارا اتاۋ­عا بولادى. ماكەڭ ءوزىنىڭ ۇلى اسپان­دياردى دا كۇرەستىڭ وسى تۇرىنە باۋ­لى­دى. قازىرگى كەزدە اسپانديار مۇرات­ ۇلى رەسپۋبليكالىق كۇرەس فەدە­راتسياسىنىڭ ءباس­پاسوز حاتشىسى قىزمەتىندە. سونىمەن قاتار جۇرت ونى «قازسپورت» ارنا­سىنىڭ كوممەنتاتورى رەتىندە دە جاقسى بىلەدى. كەيىننەن مۇ­رات ەسەن­جولوۆ شالقارداعى بالا­لار مەن جاسوسپىرىمدەردىڭ سپورت مەكتەبىنىڭ ديرەكتورى بولىپ  تاعايىندالدى. 1985 جىلى اقتوبەدەگە «لوكوموتيۆ» سپورت قوعامىنىڭ توراعاسى بولدى. ءبىر سوزبەن ايتساق, وسىدان جەتى جىل بۇرىن 70 جاسقا قاراعان شاعىندا دۇنيەدەن وزعان مايتالمان مامان بۇكىل سانالى عۇمىرىن وبلىس سپورتىنىڭ وركەندەۋىنە ارنادى.

وسىنداي ابزال ازاماتتىڭ قۇر­مەتىنە تۇڭعىش رەت ۇيىم­داستىرىلىپ وتىرعان رەسپۋب­ليكالىق تۋرنيردە ماڭعىستاۋ وبلىسىنىڭ ورەندەرى تابىس­تى ونەر كورسەتتى. وسى وڭىردەن شىققان سۇلتان سامات ۇلى (25 كيلو), ءالي الماس (31 كيلو) جانە داۋلەت سابىرجان (34 كيلو) سىندى سپورتشىلار جەڭىس تۇعىرىنىڭ ەڭ بيىك ساتىسى­نا كوتەرىلدى. شالقارداعى ۆلا­دي­مير تسەحانوۆيچ اتىنداعى سپورت مەكتەبىنىڭ ەكى بىردەي تۇلەگى باس جۇلدەنى ولجالاپ, جەرگىلىكتى جانكۇيەرلەردى قۋانتتى. ولار – باۋبەك ءشارىپ (28 كيلو) پەن ءىزباسار تىلەۋىمبەت (41 كيلو). ەكەۋى دە فينالدا وزدەرىنىڭ كوماندالىق ارىپتەستەرى – باي­سالبەك احمەتجان مەن ايبار جۇمابايدى ۇتتى. سونداي-اق اقتوبەلىك قۋانىشبەك جاڭاجول (38 كيلو), ورالدىق ءامىرحان ءابدىرحامانوۆ پەن ميارلى ارونوۆ, شىمكەتتىك مارلەن تولەش (44 كيلو) جانە ارالدىق ميراس ماحانبەت (48 كيلو) وسى ءتۋرنيردىڭ جەڭىمپازى اتاندى.