عارىشكەرگە قۇرمەت

وبلىستىق دوستىق ۇيىندە وب­لىستىق پلانەتاريدىڭ ۇيىم­داس­تىرۋىمەن الەمنىڭ تۇڭعىش عارىشكەرى يۋري گاگاريننىڭ تۋ­عانىنا 80 جىل تولۋى مەرەيتويى­نا ارنالعان «گاگارين كوكتەمى» كوسموناۆتيكا اپتالىعى اشىلدى. اپتالىقتىڭ اشىلۋ سالتاناتىنا زيالى قاۋىم, ارداگەرلەر, قالاداعى ورتا ارناۋلى وقۋ ورىندارى مەن مەكتەپتەردىڭ وقۋشىلارى, ەكى مارتە كەڭەس وداعىنىڭ باتىرى تالعات بيگەلدينوۆ اتىنداعى اۋە قورعانىس كۇشتەرى اسكەري ينس­تيتۋتىنىڭ كۋرسانتتارى قا­تىستى. اپتالىقتىڭ اشىلۋىنا ارنايى كەلگەن قازاقتان شىق­قان تۇڭعىش عارىشكەر, كەڭەس وداعىنىڭ باتىرى, قازاق­ستان رەسپۋبليكاسىنىڭ حالىق قاھارمانى, تەحنيكا عىلىم­دارى­نىڭ دوكتورى توقتار اۋباكىروۆ پەن «قازعارىش» ۇلتتىق عارىش اگەنتتىگىنىڭ وكىلى, «عارىشتى دامى­تۋ ينستيتۋتى» قوعامدىق بىرلەستىگىنىڭ ديرەكتورى, عارىش­كەر – سىناقشى, اۆياتسيا پول­كوۆ­نيگى ايدىن ايىمبەتوۆ شارانىڭ قۇرمەتتى قوناعى بولدى. شارانىڭ اشىلۋ سالتاناتىندا ءسوز العان وب­لىستىق مادەنيەت, مۇراعات ءجا­نە قۇجاتتاما باسقاراماسى باس­شى­سىنىڭ ورىنباسارى قىدىرعالي ەرمۇحان اپتالىقتىڭ ماڭىزى مەن مانىنە, ونىڭ پاتريوتتىق تاربيە بەرۋدەگى رولىنە توقتالدى. مۇنداي باستامالار جاستاردىڭ بويىندا عارىش كەڭىستىگىن زەرتتەۋگە, جالپى عىلىمعا دەگەن قىزىعۋشىلىعىن ارتتىرۋعا ىقپال ەتەتىنىن دە جەتكىزدى. اپتالىق اياسىندا ۇيىمداستىرىلاتىن شارالاردىڭ ۇيىمشىلدىقپەن وتكىزىلۋىنە ساتتىلىك تىلەي كەلىپ, ءسوز كەزەگىن حالىق قاھارمانى توقتار اۋباكىروۆكە بەردى. ول ءوزىنىڭ ۇشقىش بولۋدى بالا كەزدەن ارمانداعانىن, سىناقشى-ۇشقىش بولعانىن, عارىشكەرلەر قاتارىنا قالاي كەلگەنىن ادەمى اڭگىمەلەدى. كەزدەسۋگە قاتىسۋشىلاردىڭ كوپتەگەن سۇراقتارىنا ناقتى دا تولىمدى جاۋاپ بەردى. عارىشكەر ەلىمىزدىڭ عارىش سالاسىنىڭ دامۋى مەن وسى باعىتتاعى تاياۋ بو­لاشاقتاعى اتقارىلاتىن جۇمىس­تاردان دا حاباردار ەتتى. قازاق ەلىنىڭ عارىش سالاسىنداعى تابىس­تارى الدا ەكەنىنە سەندىردى. شارا بارىسىندا «بالالار – عارىشقا» بايقاۋ – كورمەسى سال­تا­ناتتى اشىلدى. جالپى, باي­قاۋ­عا عارىشتىق ۇلگىلەر مەن توپتا­مالار, عارىش تاريحى, دەكورا­تيۆتى قولدانبالى ونەر, كوركەم­ونەر اتالىمدارى جانە ادەبي شى­عار­مالار بويىنشا 400 وقۋ­شى قاتىسىپ, تۋىندىلارىن قازى­لار تالقىسىنا ۇسىندى. كورمە باي­قاۋ­دىڭ جەڭىمپازدارى مەن جۇلدە­گەرلەرى ديپلومدارمەن جانە ەستەلىك سىيلىقتارمەن ماراپاتتالدى. ساتىبالدى ءساۋىرباي, «ەگەمەن قازاقستان». اقتوبە وبلىسى.