اتىراۋ وبلىسىنىڭ كولىنەن جارتى توننا ءولى بالىق تابىلدى, دەپ حابارلايدى Egemen.kz «موي گورود» باسىلىمىنا سىلتەمە جاساپ.
الماعامبەت كولىندە 507 كەلى, بەزىمياننىي كولىندە تاعى 65 كەلى ءولى بالىق تابىلعان. بۇل تۋرالى ەكولوگيا, گەولوگيا جانە تابيعي رەسۋرستار مينيسترلىگىنىڭ بالىق شارۋاشىلىعى كوميتەتى توراعاسىنىڭ ورىنباسارى ايان باحيانوۆ مالىمدەدى.
«بەزىمياننىي جانە الماعامبەت كولدەرىندەگى سۋ دەڭگەيىنىڭ كوتەرىلۋى مەن تومەندەۋىنە بايلانىستى بالىقتار جىڭگىل توعايىنا كەپتەلىپ, شىعا الماي قالعان. بەزىمياننىي كولىنەن 65 كەلى, الماعامبەت كولىنەن 507 كەلى ءولى بالىق الىندى. قازىر جۇمىس جالعاسىپ جاتىر», دەپ ءتۇسىندىردى باحيانوۆ.
قازىرگى ۋاقىتتا ورال-كاسپي باسسەيندىك ينسپەكتسياسىنىڭ 40 قىزمەتكەرى جانە العا اۋلىنان سەگىز جۇمىسشى جۇمىلدىرىلدى.
وبلىستىق بالىق شارۋاشىلىعى باسقارماسىنىڭ باسشىسى ارتۋر سادىبەك ۇلى وڭىردەگى 200 سۋ قويماسىنىڭ 70-كە جۋىعى قاۋىپتى ساناتقا جاتقىزىلىپ, قاتاڭ باقىلاۋدا ەكەنىن ايتتى.