كەشە الماتىدا «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك «نۇر-مەديا» حولدينگىنە قاراستى بۇقارالىق اقپارات قۇرالدارىنىڭ باسشىلارىمەن كەزدەستى.
ونىڭ بارىسىندا حولدينگتىڭ قازىرگى جاعدايى مەن اكتيۆتەرىنە قاتىستى جانە «نۇر-مەديا» توبىنا كىرەتىن باق-تاردى دامىتۋ جونىندەگى جوسپارى تالقىعا سالىندى. ۇستىمىزدەگى جىلى حولدينگكە كىرەتىن 4 باق ءوزىنىڭ مەرەيتويىن وتكىزەدى: «تۇركىستان» حالىقارالىق اپتالىعىنىڭ جانە «NS» راديوسىنىڭ قۇرىلعانىنا 20 جىل, ال «ايقىن» جانە «ليتەر» گازەتتەرىنە 10 جىل تولعالى وتىر.
رەداكتسيا باسشىلارىن قۇتتىقتاي وتىرىپ, باۋىرجان بايبەك: «حولدينگ باق-تارى ەلباسى – پارتيا كوشباسشىسىنىڭ تاپسىرمالارىن تۇسىندىرۋدە, ساياسي دوكترينانىڭ ەرەجەلەرىن جانە ءبىزدىڭ جۇمىسىمىزدىڭ باسىمدىقتارىن تۇرعىندارعا جەتكىزۋدە, سونداي-اق, ەلىمىزدىڭ قوعامدىق-ساياسي ومىرىندە ەرەكشە ءرول اتقارادى», – دەپ اتاپ ءوتتى.
بۇدان كەيىن «نۇر-مەديا» حولدينگىنىڭ باس ديرەكتورى بولات بەرسەباەۆ حولدينگتىڭ قازىرگى جاعدايى مەن اكتيۆتەرى تۋرالى جان-جاقتى مالىمەت بەردى. ب.بايبەك حولدينگ باسشىلىعىنا قارجىلىق تۇراقتىلىقتى قامتاماسىز ەتۋگە جانە باسەكەلەستىكتى ارتتىرۋعا قاتىستى ناقتى تاپسىرمالار جۇكتەدى. كەزدەسۋدە 2014 جىلدىڭ 10 ساۋىرىنەن باستاپ «نۇر وتان» پارتياسىنىڭ قولداۋىمەن «ايقىن» گازەتىنىڭ قوسىمشاسى رەتىندە «ارا» جۋرنالى شىعا باستاعانى اتاپ ءوتىلدى.
«ەگەمەن-اقپارات».