بۇگىن ەلىمىزدىڭ بىرنەشە وبلىسىندا جەل تۇرادى

"قازگيدرومەت" رمك مالىمەتىنشە, 30 ساۋىردە رەسپۋبليكانىڭ باسىم اۋماعىندا اتموسفەرالىق فرونتالدى بولىكتەردىڭ وتۋىمەن قۇبىلمالى اۋا رايى كۇتىلەدى: نايزاعاي, داۋىل, جاڭبىر بولادى. ەلدىڭ شىعىسىندا عانا جاۋىن-شاشىنسىز اۋا رايى ساقتالادى. بارلىق وڭىردە ەكپىندى جەل تۇرادى.

الماتى وبلىسىنىڭ الاكول كولدەرى اۋدانىندا جانە ءوڭىردىڭ وڭتۇستىگىندە جەلدىڭ ەكپىنى 24-29 م/س كۇشەيەدى. 

تۇركىستان وبلىسىنىڭ تاۋلى اۋداندارىندا جەل 15-20 م/س كۇشەيەدى. 

جامبىل وبلىسىنىڭ تاۋلى اۋداندارىندا, ءوڭىردىڭ وڭتۇستىك-باتىسىندا, سولتۇستىك-شىعىسىندا, كۇندىز داۋىل تۇرادى. وڭتۇستىك-باتىسىندا, سولتۇستىك-شىعىسىندا, تاۋلى اۋدانداردا جەل 15-20 م/س ارتادى. 

كۇندىز اقمولا وبلىسىنىڭ سولتۇستىك-شىعىسىندا جەلدىڭ كۇشى 15-20 م/س جەتەدى. 

شىعىس قازاقستان وبلىسىنىڭ وڭتۇستىگىندە, شىعىسىندا, ورتالىعىندا جەلدىڭ كۇشى 23 م/س ارتادى. 

اتىراۋ وبلىسىنىڭ شىعىسىندا وڭتۇستىگىندە, ورتالىعىندا جەلدىڭ جىلدامدىعى 15-20 م/س كۇشەيەدى. 

قوستاناي وبلىسىنىڭ سولتۇستىگىندە, شىعىسىندا, سولتۇستىك قازاقستان وبلىسىنىڭ سولتۇستىك-شىعىسىندا, كۇندىز ماڭعىستاۋ وبلىسىنىڭ سولتۇستىگىندە, شىعىسىندا 15-20 م/س جەل تۇرادى. 

سونداي-اق باتىس قازاقستان وبلىسىنىڭ وڭتۇستىگىندە, اقتوبە وبلىسىنىڭ سولتۇستىگىندە, ورتالىعىندا, پاۆلودار وبلىسىنىڭ ورتالىعىندا توتەنشە ءورت قاۋپى ساقتالادى.