پرەزيدەنتىمىز قحا كەزەكتى سەسسياسىندا ەل كونستيتۋتسياسىنا وزگەرىس ەنگىزەمىز, بىراق ونى جالپىحالىقتىق رەفەرەندۋم ارقىلى حالىقتىڭ تاڭداۋىنا قاراي جاسايىق دەگەن ۇسىنىسىن جۇرتشىلىق قۋانا قولداپ جاتىر.
شىنىندا دا ەكىنشى كونستيتۋتسيا 1995 جىلى 30 تامىزدا جالپىحالىقتىق رەفەرەندۋم ارقىلى قابىلدانعان ەدى. سودان بەرى 27 جىل ۋاقىت ءوتىپتى. وعان قانشاما وزگەرتۋلەر ەنگىزىلدى. ەلىمىزدىڭ بۇل باس زاڭى بيلىكتىڭ ءۇش تارماعىنىڭ تەپە-تەڭدىگىن تەك قاعاز جۇزىندە ۇستاپ, ال ءىس جۇزىندە اۆتوريتارلىق سۋپەرپرەزيدەنتىك بيلىك ورناتتى. دەموكراتيانىڭ نەگىزگى پرينتسيپتەرى بۇزىلدى. قازىر جاعداي مۇلدەم بولەك. پرەزيدەنتتىڭ باستى ۇستانىمى حالىقتىڭ ۇنىنە قۇلاق اساتىن ءبىر-بىرىنە تاۋەلسىز اتقارۋشى, زاڭ شىعارۋشى جانە سوت بيلىگىن ورناتۋ. بۇكىل وركەنيەتتى ەلدەردىڭ ۇستانىمى وسىنداي.
دەموكراتيانىڭ بۇدان باسقا جولى جوق. سوندىقتان دا پرەزيدەنتىمىزدىڭ جالپىحالىقتىق رەفەرەندۋم ارقىلى اتا زاڭعا وزگەرىستەر ەنگىزۋ ۇسىنىسى كەلەشەكتە تاريحي-ساياسي شەشىم بولىپ قالاتىنى ءسوزسىز. مەن پرەزيدەنتىممەن ماقتانامىن.
مۇرات باقتيار ۇلى
قر پارلامەنتى سەناتىنىڭ دەپۋتاتى