بىلەك كۇشىن تانىتاتىن قول كۇرەسىنە قىزىعۋشىلار قاتارىندا بۇرىمدىلار دا بار. سونداي سپورتشىلار قاتارىنداعى اتىراۋلىق ارداگەرلەر ازيا چەمپيوناتىنا قاتىسىپ, قازاق ەلىنىڭ تۋىن جەلبىرەتتى.
بۇل جولى ارمرەستلينگتەن جاستار, ەرەسەكتەر جانە ارداگەرلەر اراسىنداعى ازيا چەمپيوناتى 24-30 ساۋىردە وزبەكستاننىڭ سامارقاند قالاسىندا ءوتىپ جاتىر. وعان 14 ەلدەن 500-گە جۋىق سپورتشى قاتىسىپ, كىل مىقتىدان ەڭ مىقتىنى انىقتاماق. قۇرلىق دوداسىنا قاتىسقان اتىراۋلىق ارداگەر سپورتشىلار جوعارى ناتيجە كورسەتىپ, ەل ابىرويىن اسقاقتاتتى.
كەشە ايەلدەر اراسىندا قول كۇرەستىرگەن الماگۇل قاناتوۆا 80 كيلو, راحيا مولداشەۆا 80 كيلودان جوعارى سالماقتا ازيا چەمپيونى اتاندى. ال كونستانتين تارابرين 70 كيلودا كۇمىس مەدالدى يەلەندى.