پاندەميا ءالى بىتكەن جوق

«جۇرگىزىلگەن زەرتتەۋلەرگە سايكەس, اۋرۋ جۇقتىرعان 38 ادامنان تابىلعان زەرتتەۋ ناتيجەلەرى ۆيرۋستىڭ COVID-19 وميكرون نۇسقاسى ەكەنىن كورسەتتى», دەيدى بەيجىڭ قالالىق پروفيلاك­تيكا جانە اۋرۋلاردى باقىلاۋ ورتالىعى باسشىسىنىڭ ورىنباسارى پان سينحو.

جاڭادان تىركەلگەن ناۋقاس­تار مەن بۇدان بۇرىن انىق­تال­عان­دار اراسىندا ەپيدە­ميا­لىق بايلانىس بارى تا­بىل­عان. ەپيدەميالىق تالداۋ, گەندەردىڭ رەتتىلىگى مەن ان­تيدەنەلەردىڭ انىقتالۋى ناتي­جەسىندە بەلگىلى بولعانىنداي, قازىرگى ۋاقىتتا بەيجىڭدە ينفەكتسيا جۇقتىرۋدىڭ ەكى تىزبەگى بارى ايتىلدى.

بەيجىڭ اۋداندارىنىڭ ءبىرى COVID-19 تارالۋ قاۋپى جوعارى, ال قالعان جەتى اۋدان ورتاشا قاۋىپتەگى ايماق رەتىندە جىكتەلگەن. سوڭعى دەرەكتەرگە سايكەس COVID-19 الدىن الۋ جانە قارسى كۇرەس جونىندەگى قالالىق شتاب قىتاي استاناسىندا 2 ايماق جوعارى قاۋىپتى جانە 12 ايماقتىڭ قاۋىپتىلىگى ورتاشا دەپ جاريالادى. بۇعان دەيىن بەيجىڭ بيلىگى تاعى 22 ادامنىڭ ۆيرۋس جۇقتىرعانى انىقتال­عاننان كەيىن, ەپيدەمياعا قارسى شارالار­دى كۇشەيتكەن ەدى.

جاقىندا ءتىپتى ۆيرۋستىڭ تارالۋىن ازايتۋ ءۇشىن قىتاي استاناسىنداعى مەكتەپتەردە ساباق بەرۋ توقتاتىلدى. بەيسەنبى كۇنى تاڭەرتەڭ بەيجىڭدىك چاويان اۋدانىنداعى جەكەمەنشىك مەكتەپتەردە ءبىلىم الۋشىلاردىڭ اتا-انالارىنا وقۋ ورىندارى قاشىقتان وقىتۋ رەجىمىنە كوش­كەنى تۋرالى شۇعىل حابارلاما كەلدى. جەرگىلىكتى باق-تىڭ حابارلاۋىنشا, مۇنداي شارا­­لار قالانىڭ باسقا اۋداندارىن­داعى بىرقاتار باستاۋىش جانە ورتا مەكتەپتەردە ەنگىزىلە باستايدى. سونداي-اق تۋنچجوۋ اۋدانىن­داعى بالاباقشالار جۇمىسى توقتاتىلعان. 27 ساۋىردەگى جاعداي بويىنشا مەكتەپ وقۋشىلارى اراسىندا COVID-19 ينفەكتسياسىن جۇق­تىرۋ سانى ارتىپ كەلەدى. بەي­جىڭنىڭ چاويان اۋدانىن­داعى مەكتەپتەردىڭ بىرىندە 36 وقۋشىنىڭ ىندەت جۇقتىرعانى انىقتالعان. قحر گيگيەنا جانە دەنساۋلىق ساقتاۋ مەملەكەتتىك كوميتەتىنىڭ مالىمەتىنشە, سوڭعى تاۋلىكتە بەيجىڭدە كوروناۆيرۋس ينفەكتسياسىن جۇقتىرعان 50 جاعداي تىركەلگەن. دۇيسەنبىدەن باس­تاپ بيلىك قىتاي استاناسى اۋداندارىنداعى بىرقاتار تۇر­عىندى جاپپاي تەستىلەۋدەن وتكىزىپ جاتىر. وسىلايشا قىتاي بيلىگى ۆيرۋستى تولىعىمەن جويۋ ءۇشىن قاتال شارالار ەنگىزۋ تۋرالى شەشىم قابىلداعان.