ەلىمىزدەگى ەكى مينيسترلىكتىڭ اتاۋىندا قاتە بار

ءبىلىم جانە عىلىم ءمينيسترى اسحات ايماعامبەتوۆتىڭ قاتىسۋىمەن وتكەن جيىندا مەملەكەتتىك ءتىلدى ودان ءارى دامىتۋ ماسەلەلەرى تالقىلاندى.

قازاق ءتىلىنىڭ جاناشىرى نازگۇل قوجابەك قازىر قولدانىستا جۇرگەن كەيبىر سوزدەردىڭ كەزىندە قاتە اۋدارىلعانىنا توقتالدى. ونىڭ ايتۋىنشا, ەلىمىزدە ەكى مينيسترلىكتىڭ اتاۋى قاتە اۋدارىلعان.

«اقپارات جانە قوعامدىق دامۋ مەن يندۋستريا جانە ينفراقۇرىلىمدىق دامۋ دەپ اتالاتىن مينيسترلىكتەدىڭ اتاۋىندا قاتەلىكتەر بار. دۇرىسى «قوعامدىق دامۋ» ەمەس, «قوعامدى دامىتۋ» بولادى. سونداي-اق ينفراقۇرىلىمدىق دامۋ ەمەس, ينفراقۇرىلىمدى دامىتۋ دەگەن دۇرىس»,  دەدى ءتىل جاناشىرى.

شارادا مەملەكەتتىك ءتىلدى دامىتۋعا ەلەۋلى ۇلەس قوسىپ جۇرگەن بەلگىلى لينگۆيست عالىمدار, ءتىل ۇيرەتۋ جوبالارىنىڭ اۆتورلارى مەن ادىسكەرلەرى «انا ءتىلىن دامىتۋعا قوسقان ۇلەسى ءۇشىن» توسبەلگىسىمەن ماراپاتتالدى.

ايانا توعانبەك