وسكەمەن قالاسىندا ەكىنشى دۇنيەجۇزىلىك سوعىسقا قاتىسقان 15 ارداگەر قالدى. ولاردىڭ ارقايسىسىنا جەڭىس كۇنىنە وراي 1,5 ميلليون تەڭگەدەن بەرىلەدى, دەپ حابارلايدى Egemen.kz.
قالا اكىمدىگىنىڭ مالىمەتىنە سۇيەنسەك, وسكەمەندە جەڭىس كۇنىنە وراي بىرجولعى تولەم الاتىن 3768 ادام بار. بۇل ماقساتتا 220 ميلليون تەڭگەدەن استام قارجى بولىنگەن.
«ەكىنشى دۇنيەجۇزىلىك سوعىس قاتىسۋشىلارى مەن مۇگەدەكتەرىنىڭ ارقايسىسىنا 1,5 ملن تەڭگەدەن بەرىلەدى. بۇگىنگى تاڭدا شاھاردا وسىنداي 15 ادام قالدى. ارداگەرلەردىڭ جۇبايلارى (150 ادام), ماراپاتتالعان تىل ەڭبەككەرلەرى (69 ادام), كونتسلاگەر تۇتقىندارى (9 ادام), قورشاۋدا قالعان لەنينگراد تۇرعىندارى (5 ادام) 100 مىڭ تەڭگەدەن الادى. سونداي-اق تىل ەڭبەككەرى مارتەبەسىن العان 3519 ازاماتقا 50 000 تەڭگەدەن بەرىلەدى», دەيدى قالا اكىمىنىڭ ورىنباسارى يرينا سميت.
بىرجولعى تولەمدەردەن باسقا دا الەۋمەتتىك قولداۋ شارالارى قاراستىرىلعان. اتاپ ايتقاندا, شەمونايحا اۋدانى ۆىدريحا اۋىلىنداعى «ۋبا» ساناتوريىندە 67 تىل ەڭبەككەرى ساناتوريالىق-كۋرورتتىق ەمدەلۋگە جىبەرىلەدى.