ۇلتتىق مۋزەيدە قازاق جۋرناليستيكاسىنىڭ قايراتكەرى نۇرتىلەۋ يمانعالي ۇلىنىڭ 70 جىلدىعىنا ارنالعان «باي-قۋاتتى بولايىق!» اتتى كورمە اشىلادى, دەپ حابارلايدى Egemen.kz.
نۇرتىلەۋ يمانعالي ۇلى قازاق تەلەۆيزياسىندا ءتىلشى, رەداكتور, اعا رەداكتور, كوممەنتاتور, باس رەداكتور, ساياسي شولۋشى, ديرەكتوردىڭ ورىنباسارى, «حابار» اگەنتتىگىندە مودەراتور-جۇرگىزۋشى, ودان كەيىن ۇكىمەت كەڭسەسىندە سەكتور مەڭگەرۋشىسى, پرەزيدەنت اكىمشىلىگىندە باس مامان بولىپ ىستەگەن. كوررۋپتسياعا قارسى كۇرەس جونىندەگى مەملەكەتتىك كوميسسياسىنىڭ مۇشەسى. «قازاقستان» رترك» اق باسقارما توراعاسى قىزمەتىن اتقارعان. ن.يمانعالي ۇلى تەلەجۋرناليستيكادان اينىماعان تۇلعا. عۇمىرىنىڭ 47 جىلىن تەلەۆيزياعا ارناعان.كورمەنىڭ ماقساتى - جۋرناليستيكا ارداگەرى نۇرتىلەۋ يمانعالي ۇلىنىڭ قوعامداعى ءرولى مەن سىڭىرگەن ەڭبەگىن جۇرتشىلىققا ناسيحاتتاپ, جۋرناليستيكا قايراتكەرى جايلى ەستەلىكتەرمەن ءبولىسۋ, جاس ۇرپاق بويىنا پاتريوتتىق رۋح قالىپتاستىرۋ.
كورمەگە نۇرتىلەۋ يمانعالي ۇلىنىڭ ەفيردە كيگەن ۇلتتىق ۇلگىدەگى كيىمدەرى, جەكە قولجازبالارى مەن جۇمىس ۇستەلىندەگى بۇيىمدارى, مەملەكەتتىك جانە مەرەكەلىك ناگرادالارى, سپورتتىق كيىمدەرى مەن قانجار, قامشى, دومبىرا سىندى 200-گە تارتا زاتتارى قويىلادى.