پرەمەر-مينيستر ءاليحان سمايىلوۆ مەملەكەتتىك اپپارات قىزمەتىن بيۋروكراتيادان ارىلتۋ ماسەلەلەرى جونىندە كەڭەس وتكىزدى. كەڭەس بارىسىندا مەملەكەت باسشىسىنىڭ ءتيىستى جارلىعىن ورىنداۋ ءۇشىن 30-دان استام ءىس-شارادان تۇراتىن ءىس-قيمىل جوسپارى جۇزەگە اسىرىلىپ جاتقانى ايتىلدى, دەپ حابارلايدى Egemen.kz ۇكىمەتتىڭ رەسمي سايتىنا سىلتەمە جاساپ.
قابىلدانىپ جاتقان شارالار مەملەكەتتىك ورگانداردى ناتيجەلى جۇمىسقا, ازاماتتاردى تولعاندىراتىن ماسەلەلەردى ءتيىمدى ءارى ساپالى شەشۋگە باعىتتاۋعا مۇمكىندىك بەرەدى. ماسەلەن, بۇگىنگى تاڭدا ۇكىمەت قاۋلىسىمەن كوميسسيالار سانى 70-تەن 25-كە دەيىن قىسقارتىلدى. وسىنداي جۇمىستار مينيسترلىكتەردە دە جۇزەگە اسادى. قۇجاتتاردى قاراۋ مەرزىمىن ەكى ەسە قىسقارتاتىن, سونداي-اق نورما شىعارۋ پروتسەسىن قايتا قۇراتىن ۇكىمەتتىڭ جاڭا رەگلامەنتى ازىلەنىپ جاتىر. رەگلامەنتتىڭ جاڭا رەداكتسياسى جاقىن ارادا بەكىتىلەدى.
سونىمەن قاتار ۇكىمەت باسشىلىعىنىڭ قولدانىستاعى تاپسىرمالارى تەكسەرىلىپ جاتىر. ماڭىزدىلىعىن جويعان جانە قايتالاناتىن تاپسىرمالاردىڭ بارلىعى الىنىپ تاستالادى.
سونداي-اق «ە-ءوتىنىش» اقپاراتتىق جۇيەسىنىڭ بازاسىندا مەملەكەتتىك ورگاندار جۇمىسىنىڭ تيىمدىلىگىن ارتتىرۋ جانە بيۋروكراتيادان ارىلتۋ جونىندەگى ۇسىنىستاردى جينايتىن ونلاين-رەسۋرس قۇرىلادى.
ء«ىس-قيمىل جوسپارى وتە قىسقا مەرزىمدە ورىندالۋى ءتيىس. بارلىق تارماقتىڭ ورىندالۋ ساپاسىنا نازار اۋدارۋدى سۇرايمىن», دەدى پرەمەر-مينيستر.
ءاليحان سمايىلوۆ اتقارىلىپ جاتقان شارالار مەملەكەتتىك اپپاراتتىڭ جۇمىسىن ەداۋىر جەڭىلدەتىپ, قوعام ءۇشىن بارىنشا ءتيىمدى ءارى اشىق بولۋى ءتيىس ەكەنىن اتاپ ءوتتى.